”Ditët e Diasporës” është nja aktivitet shumë simpatik i cili i’u dedikohet një pjesë të madhe të popullatës së trevave të Ulqinit, Anës së Malit, Krajës por edhe më gjërë, popullatë e cila jeton dhe punon larg vendlindjes së tyre dhe të pareve të tyre.
Mbrëmë, Biznes Klub Ana e Malit për të pestin vit me radhë filloit aktivitetin “Ditët e Diasporës 2017 “. Mbrëmë mërgimtarët u ftuan që të bëhen pjesë e zhvillimeve të vendit të tyre të origjinës dhe të kontribuojnë në vendlindje me investime të ndryshme. Kryetari i Biznes Klub Ana e Malit z. Kabil Kurti tha se “këtë vit është planifikuar një takim ndërmjet investitorëve potencial nga mërgata dhe strukturave udhëheqëse komunale të Ulqinit për t’u njoftuar më hollësisht me planet detale urbanistike dhe me mundësinë e investimeve në vendlindje”.
Biznes Klub “Ana e Malit” i bën ftesë diasporës për të dhënë kontribut në funksion të zhvillimit të vendit.
Z. Kurti po ashtu theksoi se “diaspora me të drejtë mund të cilësohet si krenaria e kombit. Në mesin e tyre ka shumë që kanë kapur majat e suksesit në të gjitha fushat e jetës dhe kjo na bën akoma më krenarë për ta”.
Sonte është nata qendrore ku dhe pjesmarrja e mërgimtarëve por edhe banorëve që akoma jetojnë në këto treva pritet të jetë shumë e madhe. Të gjitha përgaditjet tashmë janë bërë dhe anamalasit me dashuri dhe më të mirat e tyre do të mundohen të presin më të dashurit e tyre të cilët jetojnë e punojnë në vendet e Europes përëndimore dhe SHBA
Ne kete menyre, sonte ne mbrëmje në qendër Katërkollë ftoheni të merrni pjesë në manifestimin ,, Ditët e Diasporës 2017 në Anë të Malit,, ku parashihet një show i vërtet i muzikës popullore qytetare ku do përformojnë live këngëtarët më të mirë të Ahengut Shkodran më bilbilin e këngës qytetare vendasen tonë Egzona Salaj. Poashtu nga diaspora jonë do jenë të ftuar Haxhi Zeneli, valltarët Hana dhe Lexi Demiraj si dhe shumë të tjerë, thuhet nga BKA.
Nga Ahengu Shkodran do jetë Mukades Çanga, Ilsi Ademi , Orjeta Kelaj dhe Klodiana Vata nën përcjelljen e mjeshtrave të muzikës Ilit Zoga dhe Hil Dajani.
Manifestimi fillon në ora 21:00.
