Klubi shumësportesh Prishtina në hapsirën mbarëshqiptare njihet si ndër klubet më të mëdha dhe me të organizuara shqiptare që ka arritur rezultate të admirueshme gjatë gjithë kohës prej se kur ekziston.
Vokrri, Shala e Kozniku nga futbolli, Salihu, Bogujevci e Peci nga futbolli e shumë e shumë emra tjerë të njohur nga ky klub paraqesin vetëm anën sportive të tij. E gjithë kjo do të ishte shumë e zbehtë pa grupin e tifozeve ”Plisat” e cila i ka ndjekur hap pas hapi në shtegtimin e tyre të deritanishëm. Numri i këtij grupit të tifozave është shumë i madh dhe ka shtrirje gjithandej në viset shqiptare.
Nga dje, grupi i tifozave ”Plisat” ka edhe nëngrupin e vet edhe në Ulqin. Kështu në një njoftim nga faqja e tyre ata tregojnë se kush është kryetari i nëngrupit për Ulqin.
”Prej sot eshte formu nengrupi i Plisave ne Ulqin, Kryetari i nengrupit Plisat Ulqin eshte Doni Aliq”, kështu shkruhet në një postim të faqes së grupit Plisat.
”Plisat” në hapsirën mbarëshqiptare njihen edhe si përkrahës të flaktë të kombetarës shqiptare të futbollit.
