Ali Gjeçbritaj
PLISI IM
Malet i kemi kufinj me plisa tё bardhё
Rumia me fesin bilur pёrshendet Cukalin me kёsulё
Pelerina e zezё s’ka vend nё majё tё bjeshkёs
Me bardhёsi atje lart shqiponjat kanё çerdhet
Plisi i bardhё nё Rumi kurrё s’do bёhёt i zi
Korabi me barinjё kapuçbardhё
Luboteni, Sharri, Dajti, Tomorri,…
Gjerё nё Palёbadh, Luginё,Tivar, Çamёri
Reflektojnё bardhёsi
Plisi i bardhё mendёsi i odave tona
Fjalёrrёnjё nё trojet e pajtimit
Bardhёsi nё çdo zemёr trimi
Plisi i bardhё ndёr mote shtroi sofёr
Me bukё kripё e zemёr bujare
Ngrohtёsi dhuroi nё votёr
Kristal si bora nё bjeshkё
Nё rrugёtim shtroi mirёsi, urtёsi e bujari
Burrёri nё logje, urtёsi nё kuvёnde
Kullat me gurё s’u shembёn kurrё
Emblemё e pёrjetshme gjithandej mbete
Nё vargonin e pa kёputur tё jetёs.
NE JEMI KЁTU
Kot e keni
Kёtu ka rrjedhur shumё ujё
Nga bёmat tona
Lindja e diellit
Duket si nё pёllёmbё tё dorёs
Nё majёn e Cukalit.
Shpatitё e bjeshkёvё
Etjen ё shuajn nё Arbnesh
Nё majёn me pesё ubla.
Jemi tё fortё
Se kemi pirё gjithmonё ujё
Nё puse me mure guri
E gjanё e gjallё
E kemi paitur nё baqun.
Gurёt qё u rrokullisёn atё ditё
Ranё e u ndalёn nё lёndinё.
Jem kёtu
Dёshmuam se peshojmё rёndё
Jemi nё truallin tonё.
Oferta jonё ka pupula tё bardha
Degёza ulliri mbushur me fruta
Dielli nga Cukali rrezen e parё
Kёtu e lёshon me lindjen e tij
E qёndisё me ar Krajёn
Derisa pёrendon nё Rumi.
Ata qё s’kanё memorie
S’kanё ardhmёri.
Nё lёndinёn e valleve
Presim e pёrcjellim
Vijnё e shkojnё
Qeshim e vallёzojmё
Ne jemi kёtu
Nё kokё me kapuç tё bardhё
Me çakçir. fustanellё e xhamadan
Nё truallin tonё.
