Ministria e arsimit, ka shpallur konkursin plotësues për regjistrimin e nxënësve në klasët e para të shkollave të mesme.
Të interesuarit, dokumentacionin përkatës për regjistrim, mund ta paraqesin prej sot deri të mërkurën e ardhshme.
Nga ministria kanë njoftuar se me konkursin e shpallur mundësohet regjistrimi për 1.885 nxënës, në vitin shkollor 2015/ 2016.
Kandidatët e interesuar, përveç fletëparaqitjes, në konkurs duhet të paraqesin edhe origjinal dëftesat për tri klasët e fundit të shkollës fillore, thuhet në kumtesë nga ministria.
Konkursi plotësues, është shpallur në sajtin e ministrisë së arsimit.
