Çifti Dina dhe Ahmet Kurmemaj ndihmë gjysmë milioni dollar vendlindjes

 Duam ta ndihmojmë popullin në vendlindje 

Deri më tash çifti Dina dhe Ahmet Kurmemaj të cilët janë nga anët tona dhe jetojnë në Shtetet e Bashkuara të Amerikës kanë ndihmuar rreth gjysmë milioni dollar dhe nuk do të ndalen me kaq. 

Ahmet Kurmemaj është i lindur në vitin 1965 në Tivar. Rrënjët i ka nga Krytha e Anës së Malit (babain krythacak,  kurse nënën krajane). Qysh në vitin 1970 jeton përfundimisht në SHBA, ku ka themeluar një kompani e cila merret me tregti në nivel ndërkombëtar. Ai së bashku me bashkëshorten e tij Dinën (e lindur në SHBA, prindërit nga Merkoti-komuna e Tivarit) deri më tash kanë ndihmuar në forma të ndryshme në Malin e Zi, rreth 500-mijë dollarë. 

Ahmet Kurmemaj qysh fëmijë ka pasur probleme shëndetësore, me përkuljen e gjunjëve, për ç’arsye është bërë operacion shumë herë, por kjo nuk e ka penguar që me dedikim e punë të shkollohet dhe të bëhet afarist i njohur por mbi të gjitha person me vlera të larta njerëzore dhe humanist i rrallë.

By admini