Omer Bajraktari nga Lëvizja qytetare URA do ta udhëheq Komunën e Ulqinit në dy vitet e ardhshme, kështu u vendos me shumicë votash të këshilltarëve të Kuvendit të Ulqinit në seancën e ditës së premte. Z. Bajraktari njeheri është edhe kryetari më i ri i zgjedhur në atë post në komunën tonë.
Bajraktari duke ju drejtuar këshilltarëve në ditën e zgjedhjes tha se e di që ka punë të madhe përpara dhe se është i gatshëm për këtë. Ai shprehu besimin se do të ketë mbështetjen e të gjithë qytetarëve, shkruan Ulqini Online.
Por çka presin qytetarët nga kryetari i ri i Komunës së Ulqinit. Duke lexuar shkrimet dhe komentet e ditës së djeshme por edhe të ditë së shtunë mund të vërehet se pritmshmëritë e qytetarëve janë të larta. Në raste të tilla, njëjtë, me masën e shpresës është edhe ajo e zhgënjimit, që të gjithë shpresojnë që të mos ndodhë.
Pjesa dërmuese e qytetarëve presin rikthim të besimit të tyre në institucionet e qeverisjes vendore në qytetin e Ulqinit.
‘’Mos bënë punë të mëdha, por punë të vogla me vlera të mëdha. Ç’rrënjose korrupsionin dhe mos mbaj afër të korruptuarit’’, ishte një koment interesant i një qytetari që ja vlen të ndahet me lexuesit e shumtë.
Investimet e mëdha të gjithë i mirëpresim në qytetin e Ulqinit por deri sa të vinë në tavolinë realizimi i tyre janë aty shumë punë të ‘’vogla’’ që duhet të kryhen. Pranda kryetari më i ri i Ulqinit duhet të punojë pikërisht në këto punë.
‘’Angazho këshilltarë të mirëfilltë Omer, jo ato vetëm për rrogë, se ato nuk i duhen as vetës se tyre’’, ishte një koment që në prapavi mbante një mesazh shumë të rëndësishëm.
Përvec këtyre komenteve që i ndamë, vlen të përmenden edhe mesazhet e tilla ku qytetarët kërkojnë që të mos përsësrisin gabimet dhe shpërdorimet e viteve të kaluara.
‘’Omer, asfaltimet dhe dritat, nëse i ke në plan, realizoj tani, aman, dhe mos i lë për para zgjedhjeve të ardhshme’’, ky mesazh ndoshta është edhe më interesanti për të treguar sëmundjen e dekadave të fundit jo vetëm në qytetin tone.
Se si do të qeverisë Omer Bajraktari me ekipin e tij, do të shikojmë në vitet në vazhdim, por një gjë është e sigurt, tani është radha e Bajraktarit.
