Shoqata e Diabetikëve “ Rrethi i Kaltër” në Ulqin organizon ditën e diel, më 30 prill 2017, në ora 12:00 në Shkollën e Muzikës ligjëratë edukative me temë „ Si jetohet me diabet“.
Për këtë do të flasë dr. Valentina Kaliniq, specialiste-endokrinologe për shërimin e sëmundjes së diabetit nga Spitali i Tivarit.
Kryetarja e Shoqatës së Dibatikëve “ Rrethi i Kaltër” Veneranda Gjonaj thotë se më këtë rast anëtarëve të vet të cilët nuk marrin insulin do t’u ndajë 10 aparate për matjen e nivelit të sheqertit në gjak, donacion i Shoqatës Aksionere” “ Osmi red” në Podgoricë. Poashtu do të ndahen edhe disa kuti shirita për matjen e sheqerit në gjak dhe vitamina për diabetikë.
Gjonaj shton se është i mundur edhe anëtarësimi në Shoqatë dhe fton diabetikët të vijnë në numër sa më të madh në mënyrë që të njoftohen se si është e mundur të jetohet normalisht me sëmundjen e sheqerit.
