Nga Xheladin Zeneli
( Apel që të bojkotohet ‘Air Serbia’)
Është tashmë një fakt i njohur se egziston një numër i caktuar i pjesëtarëve të Diasporës Shqiptare, posaçërisht asaj të SHBA-ve, që me rastin e udhëtimeve të tyre në vendlindje, shfrytëzojnë lidhjen e Beogradit dhe fluturojnë me ‘Air Serbia’.
A shfrytëzohet kjo lidhje për shkak të çmimit relativisht të ulët të udhëtimit përmes Beogradit (në krahasim me lidhjet e qyteteve të tjera të Europës), apo për arsye të tjera, ka pak rëndësi.
Por ajo çfarë është me rëndësi të kuptohet se udhëtimi, pra patronizimi i ‘Air Serbia’, kontribon në mënyrë indirekte akteve luftënxitëse të Serbisë kundër Kosovës.
Që kur është në pushtet Aleksander Vuçiq-i , Serbia i ka intensifikuar veprimet e saja armiqësore ndaj Kosovës duke e shfaqur këtë armiqësi edhe përmes dhunës dhe agresivitetit, çka ka ndikuar që ky shtet, pra Serbia të vazhdojnë të jenë gjithënjë një kërcnim serioz jo vetëm për Kosovën, por kërcnim edhe për paqën dhe sigurinë në rajon.
Pra, kur sot i bëhet patronazh produketeve të një shteti armiqësor dhe anti shqiptar siç është Serbia, dashur apo pa dashur ndihmohet (financiarisht) qeveria e këtij shteti në realizimin e veprave të saja të dhunëshme ndaj Kosovës.Serbia sot është një shtet që planifkon dhe sponzoron akte terroriste ndaj një pjesë të popullit tonë.
Kompania ajrore ‘Air Serbia’ 100% është në pronësi të qeverisë së Serbisë.Pra të ardhurat e përfituara nga ‘Air Serbia’ janë pjesë e buxhetit qeveritar dhe nga ky buxhet bëhet edhe alokimi i mjeteve financiare për ushtrinë e Serbisë. Është kjo ushtri e cila , në sulmin e 24 Shtatorit 2023 në veri të Kosovës, me urdhër të presidentit të Serbisë, Aleksandër Vuçiq-it, bëri përgatitjen, trajnimin dhe finansimin me armatim të grupit para ushtarak terrorist të Milan Radojçiqit. Është kjo ushtri e cila ka ngritur me dhjetra baza ushtarake në afërsi të kufirit të Kosovës ku rekrutohen Milan Radojçiqat e ardhshëm dhe përgatit plane për sulme të tjera të mundshme ndaj Kosovës.
Nëse dikush ka menduar se Serbia ka ndryshuar nga viti 1999 dhe ka hequr dorë nga pretendimet territoriale të saj ndaj Kosovës, atëherë sulmi inkursionist paraushtarak serb i 24 Shtatorit të vitit të kaluar në Banjskë të Kosovës, dëshmoi më së miri se tendencat dhe qëllimet e vazhdueshme të Beogradit zyrtar për aneksimin e pjesës veriore të Kosovës janë më reale se asnjëherë më parë, që nga çlirimi i saj në vitin 1999.
Le të peshojnë mbi ndërgjegjën e të gjithë atyre të cilët shfrytëzojnë shërbimet e Serbisë, gjaku i të ndjerit Afrim Bonjaku, heroi i fundit që ra për lirinë e Kosovës.
Le të peshojnë mbi ndërgjegjën e të gjithë atyre, që përdorin ‘Air Serbia’, gjaku i mijëra të tjerëve shqiptarë të vrarë, të masakruar, të përdhunuar në luftën e viteve 1998-1999 nga ana e forcave ushtarake, policore dhe paramilitare të Serbisë.
Iu bëj thirrje të gjithë bashkatdhetarëve të mi që të bojkotojnë shërbimet që ofrojnë ndërmarrjet e Serbisë duke përfshirë bojkotimin e ‘Air Serbia’ dhe udhëtimeve përmes Beogradit.
Kjo është ndihma dhe përkrahja më kuptimplote që për momentin, Diaspora Shqiptare mund ti japin shtetit tonë demokratik të Kosovës dhe njëkohësisht një përkrahje morale dhe simbolike në prag të përvejtorit të pavarësisë së saj.
Shkurt 2024
