Kabineti i Kryetarit të Komunës së Ulqinit njofton opinion se llogaria rrjedhëse e komunës së Ulqinit u bllokua dje nga ana e përmbaruesit publik, kështu mësohet nga Komuna e Ulqinit.
Fjala është për një shumë në masën 250,0000 euro në bazë të aktvendimit të plotfuqishëm të Gjyqit ekonomik të Malit të Zi i cili vendimin në fjalë e solli në bazë të ankesës së SHPK,,Beqoviq menagment,,-pronar i hotelit Mediteran,
Ky aktvendim është sjellur pasiqë pushteti i atëhershëm, respektivisht kryetari Gëzim Hajdinaga nuk respektuan kontratën për financimin e dokumentacionit planimetrik që e kish nënshkruar me kompaninë në fjalë më 21.11.2007.
Me këtë marëveshtje , kompania ,,Beqoviq menagment,, i kish paguar komunës së Ulqinit avansin prej 250,000 euro për finncimin e përgatitjes së projektit Urbanistik për hotelin,,Mediteran,, ndërkohë komuna kish marë obligim qe dokumentacioni përkatës të përgatitet deri në fund të vitit 2008.
Pasi pushteti i atëhershëm nuk kreu obligimet e parapara , kompania Beqoviq paditi komunën e Ulqinit dhe kërkoi kthimin e mjeteve pas duke llogaritur edhe kamatën.
Gjykata e Apelit vertetoi këtë aktvendim dhe ndërkohë e riktheu lëndën në pjesën ku komuna e Ulqinit obligohej që akuzuesit ti llogaritet edhe kamata në masën 143,000 euro.
Projekti urbanistik për hotelin ,,Mediteran,, u miratua në seancën e Kuvendit në fund të vitit që shkoi, por marrë parasyshë që me marëveshtje ai është dashtur të sillet kohë më parë , nuk ka mundur që të ndikohet në sjelljen e vendimit në favor të Komunës.
Theksojmë se ky është vetëm një rast nga të tjerë vendime që tani priten të vijnë për pagesa, e që flet qartë për sjelljen e papërgjegjshme të pushtetit lokal gjatë periudhës 2006-2011.
Edhe më herët disa investitorëve i janë paguar shuma të konsiderueshme e te tjerë janë në gjyq me Komunën e Ulqinit.
E këto raste e bëjnë pothuajse të pamundur përpjekjen e administratës aktuale që të konsolidojë financat e Komunës së Ulqinit, e me to sillet në pikëpyetje dhe funksionimi i organeve të administratës lokale dhe shërbimet e tija.
