Kryetari i Komunës së Ulqinit Nazif Cungu nëpërmes rrjetin social ka paralajmëruar se së shpejti edhe Komuna e Ulqinit do të ketë stadiumin e futbollit.
”Së shpejti edhe Komuna e Ulqinit do të ketë stadiumin që meriton. Po ju tregoj projekt idenë e stadiumit të ardhshëm të Ulqinit i cili sipas Planit Hapësinor është paraparë që ta ketë lokacionin midis Malit të Bardhë dhe Mavrijanit. Financimi i këtij projekti do të bëhet nëpërmjet fondeve të komunës sonë, Federatës së Futbollit të Malit të Zi si dhe Ministrisë së Sportit. Komuna ndërkaq është duke përgatitur elaboratin për expropriim në një pjesë të truallit që është pronë private”, kështu shkruan Cungu në një shkrim të tij për këtë temë.
