Partia Demokratike e Kosovës është bashkuar në koalicion parazgjedhor me Aleancën për Ardhmërinë e Kosovës dhe Nismën për Kosovën. Kandidat për kryeministër nga ky koalicion do të jetë kreu i AAK-së, Ramush Haradinaj.
Më herët gjatë ditës së martë, Lidhja Demokratike e Kosovës e Isa Mustafës dhe Aleanca Kosova e Re e Behgjet Pacollit u bashkuan në një koalicion parazgjedhor me kandidat Avdulla Hotin nga LDK-ja.
Nga subjketet dhe koalicionet shqiptare që priten të marrin pjesë në zgjedhjet e 11 qershorit në Kosovë do të jetë edhe Levizja Vetevendosje e cila pritet të marrë pjesë e vetme në këtë garë.
Siç raportojnë mediat kosovare, nëse dy shtyllat e fundit edhe janë pritur, befasi është koalicioni i ores së fundit, pak minuta para se të skadojë afati i deklarimeve të koalicioneve pranë KQZ, ai ë mes PDK-së me AAK-në dhe Nismën. Udhëheqësit kryesor të AAK-së por edhe të nismës hiç më larg se para një jave kishin deklaruar se në asnjë mënyrë nuk do të bënin kolaicion me PDK.
Zgjedhjet e 11 qershorit në Kosovë pritet të jenë mjaft interesante por koha paszgjedhore do të jetë edhe më e veshtirë pasi qeverisë së re do ti duhejt të merret me dy çështje shumë të nxehta siç janë demarkacioni me Malin e Zi apo edhe asociacioni i komunave serbe.
