Një nga drejtuesit e Frontit Demokratik (DF), Andrija Mandiq duke folur në një intervistë për TV Pink ndër të tjera ka folur edhe për regjsitrimin e popullsisë që pritet të bëhet këtë vit në Mal të Zi.
Ai pret që regjistrimi i ri të tregojë “diçka krejtësisht të ndryshme nga ata të viteve 2011 dhe 1948.Poashtu ai pretendon se regjistrimi i popullsisë i vitit 2011 ka qenë i falsifikuar në dëm të popullit serb, transmeton Ulqini Online.
Ai deklaron se regjistrimi që pritet të ndodh do të jetë regjistrimi i parë i lirë që do të mbahet që nga viti 1945.
‘’Regjistrimi përmban një gamë të tërë të të dhënave statistikore të rëndësishme për ekonominë tonë dhe politikat që duhet të zbatohen në Malin e Zi. Bazuar në të, ne po përpilojmë edhe listën e zgjedhësve. Në fund, për herë të parë pas vitit 1945, ne do të marrim përgjigje se cilët popuj banojnë në Malin e Zi, do të shohim sa njerëz i përkasin Kishës Ortodokse Serbe, sa komunitetit katolik, islam, çfarë gjuhe përdorin njerëzit’’ – tha Mandiq.
Nga ana tjetër për këtë proces shumë të rëndësishëm nuk kemi ndonjë deklarim të qartë të subjekteve shqiptare në Mal të Zi.
Kohë më parë për këtë temë të ndjeshme ka shkruar edhe studiuesi Nail Draga ku ai mendon se regjistrimi i popullsisë patjetër duhet që të mbahet elementët e identitetit. Por studiuesi Draga ngrit edhe një temë shumë të rëndësishme për shqiptarët në Mali i Zi e që është diaspora jonë.
‘’Sipas informacionëve të cilat disponojmë në regjistrimin e popullsisë i cili do të zhvillohet në fund të këtij viti, sikurse në vitin 2011 diaspora do të regjistrohet vetëm në aspektin numërik, do të thot pa përkatësinë nacionale, gjuhës amtare dhe ate konfesionale që është paradoks i llojit të vet, sepse çdo individ kudo qoftë ai ka identitetin e vet’’, shkruan Draga.
Regjistrimi i popullsisë në Mal të Zi është paraparë të mbahet në fund të vitit 2021.
