Për hirë të opinionit jemi të obliguar që ti shpallim faturat të cilat Mustafa Canka i ka dërguar me shkresën e 2.11.2017. Nga ato shihet që asnjëra nga to nuk është e protokoluar dhe e nënshkruar nga asnjë person i autorizuar në Komunën e Ulqinit. Por i zënë ngusht në veprën e tij, ai nuk zgjedh mënyrën kinse të demantojë atë që është e pamundur të demantohet. Duke u nisur nga parolla që sulmi është mbrojtja më e mirë,ai bile sprovon që ti japë ligjerata edhe gjykatës ekonomike dhe në mënyrë agresive tenton ti mbajë privilegjet të cilat i ka pasur deri tani.
Është fakt i njohur nga të gjithë, që Canka për një grusht eurosh ia ka shitur përkrahjen e vet disa ish garniturave udhëheqëse të komunës së Ulqinit, nën maskën e „reklamimit“ në portalin e tij, por ajo kohë ka kaluar dhe ai nuk mund të pajtohet me këtë fakt. Flet për gjoja disa grindje dhe refuzim të kryetarit të komunës ti pagojë faturat, por si mund të pagohen faturat të cilat NUK EGZISTOJNË në kontabilitetin e Komunës së Ulqinit.
