Në Budvë nga data 28 -30 tetor të këtij viti u mbajt Kuvendi i dytë i Unionit të Shkollave të Mesme të Malit të Zi. U zgjodhën anëtarët e Kuvendit dhe Këshillit Drejtues si dhe u miratua Rregullorja e punës. Morën pjesë nxënësit e shkollave të mesme nga pothuaj të gjitha shkollat e mesme në Mal të Zi. Në mesin e tyre ishin edhe dy shqiptarë, Amina Nikoviq nga Tuzi dhe Rajmond Gjonaj nga gjimnazi privat “ Drita” – Ulqin.
Në fjalën përshëndetëse kryetari Këshillit Drejtues të Unionit të Shkollave të Mesme të Malit të Zi, Jovan Bojoviq theksoi se kjo organizatë në periudhën e kaluar është fokusuar në përmirësimin e parlamenteve të nxënësve, themelimin dhe përforcimin e tyre. Sipas fajalëve të tij dy vite pas themelimit të kësaj organizzatë mund të thuhet se ajo ia arriti qëllimit dhe se rëndësinë e saj e kanë kuptuar edhe institucionet shtetërore. “Në periudhën e kaluar kemi punuar mjaft, kurse në të ardhmen na presin edhe më shumë punë. Ne duhet të jemi të gatshëm për ndryshime dhe të jemi shtytësit më të mëdhenj të tyre, sepse forca më e madhe jemi ne nxënësit e shkollave të mesme”, pohoi Bojoviq dhe shtoi se nxënësit e shkollave të mesme përbëjnë 5 për qind të popullsisë në Mal të Zi, por përbëjnë 100 për qind të ardhmërisë sonë.
Drejtori i përgjithshëm i Drejtorisë për shkollat e mesme dhe arsimimin e të rriturve pranë Minsitrisë së së Arsimit Veljko Tomiq nënvizoi se është me rëndësi t’i motivojmë të gjitha parlamentet e nxënësve të marrin pjesë në punën e organeve të shkollës, kur diksutohet për çështjet që kanë të bëjnë me nxënësit e shkollave të mesme, siç janë mënyra e mbajtjes së mësimit, problemi i vlerësimit me notë, relaizimi i provimeve, raportet në mes të nxënësit dhe mësimdhënësit, standardi i nxënësve dhe aktivitetet e lira.
Në emër të Entit për Shkollim foli Radovan Popoviq, Qendrës për Arsimim Profesional, Dushko Rajkvoiq, Qendrës për Provime të Malit të Zi Stana – Sanja Kallugjeroviq, Drejtorisë për Sport dhe Rini, Krsto Vukanoviq, OJQ “ Juventas” Ivana Vujoviq dhe të Asociacionit të Nxënësve të Shkollave të Mesme të Bosnjës e Hercogovinës Milan Gjurica. Ditën e dytë dhe të tretë nxënësit e shkollave të mesme duke punuar në grupe shkëmbyen ide të ndërsjellta dhe u njoftuan se çka punojnë parlamentet tjera të nxënësve.(Gj.Gj)
