Nga Xheladin Zeneli
Të Enjtën me 5 Tetor 2023, Familja Demiri humbi të dashurin e tyre kurse komuniteti shqiptar i Anës së Malit por edhe mbarë komuniteti shqiptar në New York me rrethinë, humbën aktivistin, afaristin dhe humanistin e vet, Senad Demirin. Senadi humbi betejën e tij me një smundje të rëndë në moshën 51 vjeçare.
Senadi ishte me prejardhje nga fshati Kravar i Anës së Malit(Komuna e Ulqinit), dhe rrjedh nga një fis, pjesëtarët e së cilit janë të njohur në komunitetin shqiptar anamalas në New York me rrethinë për bamirësi dhe aktivitete të tjera humanitare dhe kombëtare.
Senadi i ndjerë ka qenë pronar i një lokali shumë të njohur në Staten Island, për komunitetin shqiptar,që quhet “ Café Latté” . Falë mikëpritjes dhe bujarisë së Senadit , ka më shumë se një dekadë që ky lokal është kthyer si një vend-takim i pjesëtarëve të komunitetit shqiptar në këte pjesë (lagje) të New York-ut, qofshin ato takime familjare, shoqërore, tubime të shoqatave dhe organizatave të komunitetit shqiptar për qëllime dhe kauza të ndryshme fondmbledhëse humanitare apo kombëtare.
Pra është merita e Senadit që “Cafe Latte”në Staten Island ,me vite të tëra, është një vend ku takohen dhe bashkohen shqiptarë me prejardhje nga të gjitha trojet tona etnike.Gjithashtu, aty janë bërë darka apo kokteje dhe takime të komunitetit shqiptar me kongresistë amerikan, por edhe aktivitete kulturore si promovime të librave të autorëve shqiptarë, pastaj pritje të personaliteteve të dalluara nga vendlidja dhe atdheu me rastin e vizitave të tyre në New York, etj.
Senadi është dalluar edhe për kontributet e tia financiare dhënë shoqatave dhe organizatave të komunitetit shqiptar.
Senadi me zemërgjerësinë e tij ka prekur jetën e disa bashkëvendasve dhe bashkatdhetarëve të tij, emigrantëve të rinj ,duke i ndihmuar dhe udhëzuar ata në fillimet e jetës së tyre të re në Amerikë.
Familja Demiri duhet të jetë krenare me djalin, vëllaun, bashkëshortin dhe babain e tyre.
Ai do ti mungojnë shumë komunitetit tonë .
Qoftë i përhershmëm kujtimi për Senad Demirin.
Tetor 2023
