Ambasadorja e Shteteve të Bashkuara të Amerikës në Mal të Zi, Judy Rising Reike, ka renditur disa hapa që Qeveria e Malit të Zi duhet të ndjekë për aspiratat e saj euroatlantike, përfshirë përkrahjen e sovranitetit të vendeve fqinje, duke përmendur me theks të veçantë Kosovën.
Reike po ashtu ka potencuar se Malit të Zi i nevojitet qeveri që dënon agresionin e Rusisë në Ukrainë si dhe mbështet sanksionet e BE-së ndaj Rusisë.
“Në mënyrë që Mali i Zi të arrijë aspiratat euroatlantike, i nevojitet një qeveri që dënon agresionin e Rusisë, avokon për integritetin territorial të Ukrainës dhe mbështet sanksionet e BE-së ndaj Rusisë, po ashtu të përforcojë pjesëmarrjen aktive në NATO, të mbrojë të drejtat e minoriteteve dhe të përkrahë sovranitetin e vendeve fqinje, përfshirë Kosovën”- ka shkruar ajo në Twitter.
The United States wants our ally Montenegro to succeed as it forges its foreign and security policy future. pic.twitter.com/G7s4WQGILt
— Ambassador Judy Rising Reinke (@USAmbMNE) August 16, 2023
