Gjekë Gjonlekaj/New York
Në pranverë të vitit 1997 u themelua në New York “Fondi Vendlindja Thrret. Për themelimin e këtij Fondi kishin ardhur nga Kosova përfaqësues të Ushtrisë Çlirimtare të Kosovës. Kryetari i këtij Fondi Muharem(Remi) Dovolani më propozoi për zëdhënës të UÇK-ës. Këshilli i “Vëendlindjes Thrret” e miratoi propozimin e tij. E pranova këtë detyrë edhe pse në atë kohë Ushtria Çlrimtare e Kosovës nuk kishte emër të mirë në Shtetet e Bashkuara. Ata më propozuan mua për faktin se Isha shtetas amerikan,kisha punuar për qeverinë amerikane për një kohë të gjatë dhe u pëlqente që këtë detyrë ta mbante një shqiptar i krishterë. Qëndrova në këtë detyrë deri në fund të vitit 1998, kur e mori përsipër këtë detyrë Profesor Shenasi Rama. Profesor Rama ishte shumë më i përgatitur për këtë detyrë, pasi që ishte profesor në Universitetin Columbia. Në kohën kur Isha në këtë përgjegjësi mësova shumë nga nenet e Konventës së Gjenevës dhe ligjet për robërit e luftës. Organizata e të Drejtave të Njeriut më dërgonte pothuajse për ditë dokumente për këtë çështje tepër delikate.
Në verë të vitit 1999 tre muaj pas luftës erdhën për vizitë në Shtetet e Bashkuara Hashim Thaçi dhe Fatmir Limaj. Ata u takuan me Komunitetin shqiptaro-amererikan dhe biseduan për luftën për të ardhmen e Kosovës dhe për shumë probleme të tjera. Gjatë një takimi privat i pyeta në lidhje me krimet e luftës në Kosovë. Fatmir Limaj tha se nuk kishin bërë tjetër gjë gjatë asaj lufte vetëm kishin respektuar urdhërin dhe kërkesat e NATO-s .Nuk kemi bërë asnjë veprim pa lejen e NATO-s tha Fatmir Limaj. Edhe pse ishte një takim i vogël dhe privat nuk u bëra asnjë pyetje tjetër.
Javën e kaluar u njoftua botërisht mundësia e shfuqizimit të Ligjit për Gjukatën Speciale të Hagës për Kosovën.Gjashtë vjetë më parë politikani evropian Dick Marty kishte bërë thirrje në Parlamentin Evropian për themelimin e Gjykatës Speciale në Hagë për dënimin e krimeve të luftës nga Ushtria Çlirimtare e Kosovës. Ky politikan i djallëzuar bashkëpunëtor i shërbimeve sekrete sërbo-ruse kishte gjetur mbështetje edhe te shqiptarët që kishin qënë kundër UÇK-ës. Shqiptarët besnikë të Sërbisë kishin depozituar në dosjen e Dick Marty-it dhe spiunazhit serb mijëra informata të rreme. Ky faqezi zvicran kishte grumbulluar në dosjen e tij shpifje e fyerje monstruoze. Këto shpifje u përhapën me shpejtësi të madhe nga mjetet e shkruara dhe elektronike të informacionit. Dick Marty i shfrytëzoi këto informata të rrëme, duke kërkuar nga Parlamenti Evropian themelimin e një Gjykate Speciale në Hagë për krimet e luftës në Kosovë. Në këtë akuzë Dick Marty e përfëshiu edhe Shqipërinë se gjoja atje UÇK-eja kishte trafikuar dhe transplantuar organet e robërve të vdekur të luftës. Për veprime të tilla barbare nuk ishte folur kurrë në historinë e popullit shqiptar. Kanuni i Lekë Dukagjinit e dënon rëndë çdo veprim kundër njeriut të vdekur. Dick Marty dhe besnikët e tij kishin zbuluar në Shqipëri gjoja shtëpinë ku ishin bërë këto transplantime. Këto ishin akuza sa monstruoze aq edhe qesharake, sepse transplantimet në shumicën e rasteve nuk kanë sukses as në spitalet më moderne të botës e jo më në një shtëpi gjysmë të rrënuar në Veri të Shqipërisë. Fatëkeqësisht në atë kohë nuk reaguan si duhet as politikanët dhe as specialistët e Kosovës. Ata nuk reaguan duke menduar që akuzat e Dick Marty-it nuk do të gjejnë mbështetje në Parlamentin Evropian.
Për shqiptarët e Amerikës akuza e Dick Marty-it ishte një shqetësim i madh. Në atë kohë “Batalioni Atlantiku” dhe disa shoqata tjera të Komunitetit të New Yorkut organizuam një demonstratë para OKB-ës. Demonstruesit shfaqën shqetësimin e tyre në lidhje me këto shpifje kundër shqipptarëve në përgjithësi dhe kundër UÇK-ës në veçanti. Për një kohë sikur u harrua dhe nuk u fol më për këtë çeshtje. Pas disa vjetësh për fatëkeqësinë e Kosvovës, Parlamenti Evropian me ndihmën e një gjykatësi të njohur amerikan këtë shpifje e bënë të vërtëtë dhe kërkuan themelimin e Gjykatës Speciale për krimet e luftës në Kosovë. Për realizimin e kësaj vepre kundër Kosovës u kërkua mirartimi i deputetëve të Kosovës. Në seancën e parë Parlamenti votoi kundër kësaj rezolute. Ndërkombëtarët, sidomos Shtetet e Bashkuara bënë presion të madh kundër vullnetit të përfaqësuesëve të popullit. Bile ata kërkuan një seancë tjetër për një votim të dytë për miratimin e kësaj Rezolute famëkeqe. Diplomacia amerikane dhe armiqët e UÇK-ës kërkuan nga kongresmeni Eliot Engel që të shkonte në Kosovë për t’i bindur deputetët shqiptarë të votojnë në mbështetje të asaj Gjykate të mbrapshtë e të pabesë. Zoti Engel takoi disa personalitete politike dhe në fund mbajti një fjalim në Kuvendin e Kosovës për miratimin e këtij ligji. Në këtë rast u vunë në veprim shumë spiunazhe lindore dhe perëndimore. Eliot Engel kishte folur në Palament për retë e zeza në qiellin e Kosovës. Kjo fjali e trishtoi Kosovën dhe shumë deputetët. Pas atyre kërcënimeve ata kapitulan dhe votuan për dënimin e luftës së tyre për liri. Kuvendi i Kosovës ato ditë dukej si Kuvendi i viteve ’90. Në votimin e parë të Parlamentit deputetja shqiptare Flora Brovina kishte votuar në favor të themelimit të Gjykatës Speciale dhe kishte thënë se kurrë në jetën e saj nuk kishte qënë aq e turpëruar. Në votimin e dytë Flora Brovina kishte votuar kundër kësaj rezolute famëkeqe.
Kjo Gjykatë Speciale ishte qesharake në atë kohë siç është edhe sot. Kurrë në historinë e njerëzimit nuk është themelaur Gjykatë kundër ushtrive çlirimtare. Ushtria Çlirimtare e Kosovës ishte pranuar ndërkombëtarisht si organizatë ushtarake çlirimtare, ishte pranuar pothuajse nga të gjitha vendet e botës.Rënja heroike e Adem Jasharit i dha vulën çlirimtare kësaj ushtrie. Atë ditë Adem Jashari mori botërisht titullin liberator, ndërsa Sllobodan Millosheviqi fitoi titullin e përjetshëm terrorist. Për këtë realitet të mundshëm Madeline Albright e kishte paralajmeruar disa hërë diktatorin Millosheviq. Krimet e luftës janë krime që duhet të dënohen, por zakonisht ato duhet të dënohen atje ku janë bërë lufta dhe betejat. S’ka dyshim se gjatë luftës janë bërë krime nga ana e ndonjë ushtari ose komandanti të Ushtrisë Çlirimtare të Kosovës. Ato kanë qënë krime individuale dhe duhen të dënohen si të tilla. Ato dënime duhet të dënohen në Kosovë e jo në Hagë. Dëshmitarët duhet të jenë të vërtëtë e jo të montuar me thes në kokë. Të akuzuarit duhet të kenë mbrojtjen serioze të avokatëve shqiptarë dhe ndërkombëtarë, ku mund të jenë të pranishëm familja dhe farefisi. Gjykata e Hagës është si një gjykatë mafioze. E kisha vizituar këtë Gjykatë në kohën kur Fatmir Limaj dhe dy kolegët e tij ishin në burgun e Hagës. Bile një ditë gjithë ditën i kisha parë dhe dëgjuar dëshmitë e Sllobodan Millosheviqit kundër ish amabsadorit amerikan në Kroaci Peter Galbrieth. Kosova në luftë për liri humbi 13,000 qytetarë e fshatarë. Në atë luftë u vranë 2000 luftëtarë të Ushtrisë Çlirimtare të Kosovës. U dëbuan me dhunë nga Kosova më shumë se gjysma e popullit shqiptare. U rrënuan 150.000 shtëpi. Në këtë luftë morën pjesë dhjetëra mijëra ushtarë, paramilitarë e policë sërbë. Këtë tragjedi të madhe njerëzore nuk e shkaktuan disa veta. Ekzekutuesit e këtyre masakrave nuk ishin disa politikanë e gjeneralë që u dënuan në Gjykatën e Hagës, por ishin mijëra e mijëra kriminelë nga radhët e ushtrisë,paramiltarëve dhe policisë sërbe. Ata që i bënë krimet e luftës në Kosovë nuk u dënuan kurrë. Pse nuk u themelua në Kosovë Gjykata Speciale për krimet e luftës në këtë vend. Gjykatat veprojnë atje ku bëhen krimet. Kështu kishte vepruar Gjykata e Nurenbergut dhe e Tokios. Gjykata Speciale sikur të ishte themeluar në Kosovë mund të dënonte edhe shqiptarët e dyshimtë për krime lufte. Asnjë mëndje
e shëndoshë shqiptare nuk kërkon lirinë e atyre që kanë bërë krime, pavarësisht a janë shqiptarë apo sërbë. Krimi është krim dhe duhet të dënohet heret ose vonë. Agresorët e vërtetë do me thënë ata që ekzekutuan politikën gjenocidiale të Beogradit nuk u dënuan kurrë.
13.000 shqiptarë të Kosovës nuk i ka vra rrufeja por ushtria sërbe. 150.000 shtëpi nuk i ka rrënuar tërmeti por kjo ushtri barbare, kështu kishte ndodhur edhe me eksodin biblik të Kosovës.
Pse Komuniteti Ndërkombëtar i Drejtësisë nuk kërkon themelimin e një Gjykate Speciale për përdhunimin e 20.000 grave dhe vajzave shqiptare. Në shumë pjesë të Shteteve të Bashkuara përdhunimet dënohen me vdekje. Bile kohët e fundit ngacmimet seksuale janë bërë problem i madh në Amerikë. Shumë personalitete të njohura të Amerikës midis tyre edhe senatorë e kongresmenë dhanë dorëheqje për ngacmime seksuale. Disa nga këto ngacmime mbase do të dënohen si krime. Pse nuk u hap një fushatë ndërkombëtare për përdhunimet monstruoze. Përdhunimet seksuale dënohen me vdekje në traditën shqiptare dhe në Kanunin e Leke Djukagjinit. Rasti i Halit Gashit të Kosovës nuk ishte përdhunim, por ishte fyerje dhe shkelje e kodit moral të familjes shqiptare. Nderi i motrës së tij Hajrie Gashi kishte qënë diçka e shejtë për vëllaun e saj. Merre me mend ku ishte nderi i Kosovës në kohën e Halit Gashit dhe ku kishte rënë në kohën e pushtimit sërb të Millosheviqit. Pse të huaj që sundojnë në Kosovë nuk i marrin parasysh këto tmerre. Pse këta burra ose gra diplomate të shquara nuk e bëjnë çështje ndërkombëtare përdhunimin e gjithë atyre grave dhe vajzave shqiptare të Kosovës. Pse nuk u zbulua kurrë kush I kishte përdhunuar vajzat e Gjakovës dhe pas përdhunimit i kishin vrarë dhe ashtu të vdekura I kishin qitur në një pus të qytetit. Ju diplomatët dhe politikanët e huaj që veproni në Kosovë mos veproni si robotë. Veproni si prindë ose vëllazër e motra dhe në këto raste duhet t’iu shkojë mendja si do ta kishi ndjerë veten sikur këto krime dhe përdhunime të kishin ndodhur në familjet tuaja.Shërbimet tuaja mund t’i kontrollojnë zyrat tuaja të larta ndërsa ndërgjegjet tuaja nuk mund t’i kontrollojnë ato.Mendoni pak për 1670 familje që i kerkojnë të vdekurit e tyre tash 20 vjet. Pse nuk kjërkohet Gjyqi për tragjedinë dhe humbjen e tyre siç duket të jetë e përjetshme. Edhe deklaratat e ambasadorit amërikan në Prishtinë Greg Delawie duken të pështira thua se fati i Amerikës varet nga një vendim i Kuvendit të Kosovës. U bë ose nuk u bë Gjykata Speciale, Amerika nuk ka asnjë detyrim sepse luftëtarët e UÇK-ës nuk ishin ushtarë të Amerikës. Qëndrimet e Delawie me Kosovën është njësoj si loja e luanit me trumcakun.
Gjykata Speciale për Jugosllavinë mori fund muajin e kaluar. Të gjithë ata që kishin punuar në këtë Gjykatë siç duket do t’i humbin vëndet e punës dhe beneficionet e tjera. Kushtrimi është për t’u siguruar atyre vëndet e punës. Ndërkombëtarët kishin menduar me kohë që të themelonin një Gjykatë tjetër për ruajtur punët dhe beneficionet e tyre. Ata po e themelojnë këtë Gjykatë për të mirën e tyre. Pastaj pjesën më të madhe të shpenzimeve financiare të kësaj Gjykate do t’i paguajë Kosova. Gjykata Speciale e Hagës për Kosovën do të ishte një (Kangaroo Court). Iniciativa e 43 deputetëve të Kosovës për shfuqizimin e kësaj Gjykate është vepër e shkëlqyeshme dhe patriotike. Kosova në Gjykatën Speciale të Hagës do të dënohet faj e pa faj. Millosheviqi dhe shokët e tij vranë në ish Jugosllavi jo më pak se 160.000 njerëz. Ndërsa Haga dënoi vetëm 168 veta duke përfëshirë këtu edhe sërbët, kroatët, boshnjakët dhe shqiptarët. U dënua me burgim një për një mijë të vrarë e të masakruar. Çfarë dënimi është ky? Dick Marty, Sërbia dhe Rusia kërkojnë me çdo kusht që Ushtria Çlirimatre e Kosovës të shndërrohet sipas kërkesës së tyre në Ushtri Terroriste. Dhe në këtë mënyrë Kosova vonohet edhe për një shekull në rrugët e përparimit. Kosovë mos e prano këtë dënim.
