{"id":29982,"date":"2021-10-04T20:16:30","date_gmt":"2021-10-04T18:16:30","guid":{"rendered":"https:\/\/ulqini-online.com\/sajti\/?p=29982"},"modified":"2021-10-04T20:17:53","modified_gmt":"2021-10-04T18:17:53","slug":"29982","status":"publish","type":"post","link":"https:\/\/ulqini-online.com\/sajti\/?p=29982","title":{"rendered":"NJ\u00cb NGJARJE N\u00cb HISTORIN\u00cb E MARR\u00cbDH\u00cbNIEVE AMERIKANO-SHQIPTARE Q\u00cb SHPESH ANASHKALOHET"},"content":{"rendered":"\n
\"\"<\/a><\/figure><\/div>\n\n\n\n

Nga Frank Shkreli\u00a0\u00a0\u00a0\u00a0\u00a0\u00a0\u00a0\u00a0<\/p>\n\n\n\n

Nuk jam i sigurt, n\u00ebse ky anashkalim ndodh me q\u00ebllim, ose jo, apo mund t\u00eb jet\u00eb karakteristik\u00eb e disa personave t\u00eb asaj sindrom\u00ebs, sipas t\u00eb cil\u00ebs — \u201cun\u00eb jam fillimi dhe mbarimi i k\u00ebsaj historie\u201d \u2013 askush dhe asgj\u00eb tjet\u00ebr nuk \u00ebsht\u00eb pjes\u00eb e saj. N\u00eb k\u00ebt\u00eb 30-vjetor t\u00eb rievdnosjes s\u00eb marr\u00ebdh\u00ebnieve diplomatike SHBA-Shqip\u00ebri e kam fjal\u00ebn p\u00ebr vizit\u00ebn e par\u00eb t\u00eb delegacionit prej 4 vetash t\u00eb Departmentit t\u00eb Shtetit n\u00eb mars\/prill, 1991, n\u00eb Shqip\u00ebri, q\u00eb rrall\u00eb e shkurt mund t\u00eb p\u00ebrmendet aty k\u00ebtu, me nj\u00eb fjali ose dy.  Ose injorohet me q\u00ebllim ose anashkalohet me pa dashje.  Por \u00ebsht\u00eb e v\u00ebrtet\u00eb se me urdh\u00ebr t\u00eb Departmentit t\u00eb Shtetit, nj\u00eb jav\u00eb pas nenshkrimit t\u00eb Memorandumit, 15 mars, 1991 n\u00eb Washington \u2013 si hapi fillestar p\u00ebr rivendosjen e marr\u00ebdh\u00ebnieve diplomatike midis dy vendeve tona– delegacioni i par\u00eb diplomatik amerikan ka mb\u00ebrrijtur n\u00eb Tiran\u00eb me objektivin kryesor, \u201cp\u00ebr t\u00eb zgj\u00ebruar kontaktet me qeverin\u00eb dhe popullin shqiptar, si edhe p\u00ebr t\u00eb filluar p\u00ebrgatitjet p\u00ebr hapjen e misjonit diplomatik\u201d.  Po ve k\u00ebte n\u00eb dukje k\u00ebt\u00eb \u00e7eshtje sepse, pothuaj, \u00e7do referenc\u00eb zyrtare q\u00eb shoh dhe lexoj n\u00eb lidhje me marr\u00ebdhpniet dypal\u00ebshe, p\u00ebrmendet n\u00ebnshkrimi i memorandumit p\u00ebr rivendosjen e marr\u00ebdh\u00ebnieve midis dy vendeve dhe hapja \u201czyrtare\u201d e ambasad\u00ebs s\u00eb SHBA-ve disa muaj m\u00eb von\u00eb, por anashkalohet krejt\u00ebsisht vizita e par\u00eb diplomataike amerikane n\u00eb Tiran\u00eb \u2013 gjat\u00eb t\u00eb cil\u00ebs, v\u00ebrtet\u00eb,  \u00ebsht\u00eb b\u00ebr\u00eb nj\u00eb pun\u00eb mjaft e madhe para-pregaditore, p\u00ebr hapjen zyrtare t\u00eb ambasad\u00ebs amerikane m\u00eb von\u00eb at\u00eb vit, n\u00eb vjesht\u00eb t\u00eb 1991.<\/p>\n\n\n\n

Nuk ka dyshim se Ambasadori i par\u00eb i SHBA-ve n\u00eb Tiran\u00eb, Z. Bill Ryerson dhe diplomati Chris Hill — t\u00eb cil\u00ebt kam pas nderin t\u2019i njoh dhe n\u00eb dy tre raste t\u00eb jem n\u00eb nj\u00eb tavolin\u00eb me ta p\u00ebrball\u00eb zyrtar\u00ebve shqiptar\u00eb, sidomos me Amb. Hill — kan\u00eb meritat e tyre t\u00eb m\u00ebdha p\u00ebr pun\u00ebn e tyre, n\u00eb rrethanat absolutisht jo normale politike dhe ekonomike q\u00eb mbretononin n\u00eb at\u00eb koh\u00eb n\u00eb Shqip\u00ebri.  K\u00ebta dy diplomat\u00eb si rradh\u00eb t\u00eb tjer\u00eb t\u00eb tjer\u00eb pas tyre, e kishin kutpuar shum\u00eb mir\u00eb t\u00eb kaluar\u00ebn tragjike nep\u00ebr t\u00eb cil\u00ebn ka kaluar Shqip\u00ebria gjat\u00eb periudh\u00ebs s\u00eb diktatur\u00ebs komuniste dhe ishin njoh\u00ebs t\u00eb krimeve barbare t\u00eb komunizmit shqiptar kund\u00ebr dhjetra mij\u00ebra viktimave t\u00eb pafajshme t\u00eb atij regjimi. Ata luajt\u00ebn nj\u00eb rol me r\u00ebnd\u00ebsi n\u00eb k\u00ebt\u00eb mes, por edhe komuniteti shqiptarao-amerikan me t\u00eb cil\u00ebt ata ishin n\u00eb kontak, ka luajtur gjithashtu nj\u00eb rol tep\u00ebr me r\u00ebnd\u00ebsi \u2013 nj\u00eb fakt ky t\u00eb cilit iu refuar edhe diplomati lart\u00eb amerikan, Z. Raymond Seitz gjat\u00eb ceremonis\u00eb s\u00eb n\u00ebnshkrimit t\u00eb Memorandumit.<\/p>\n\n\n\n

N\u00ebnshkrimi i dokumentit me 15 Mars, 1991 n\u00eb Washington p\u00ebr rivendosjen e marr\u00ebdh\u00ebnieve diplomatike amerikano-shqiptare — pas nj\u00eb nd\u00ebrprerjeje prej pothuaj nj\u00eb gjys\u00ebm shekulli — ishte nj\u00eb rast historik p\u00ebr t\u00eb dy kombet, ve\u00e7an\u00ebrisht p\u00ebr komunitetin shqiptaro-amerikan cili kishte pritur me dekada p\u00ebr agimin e asaj dite dhe p\u00ebr hapjen e Shqip\u00ebris\u00eb q\u00eb do tu jepte atyre mund\u00ebsin\u00eb p\u00ebr tu takuar me t\u00eb af\u00ebrmit e tyre n\u00eb Atdhe, nga t\u00eb cil\u00ebt i kishte ndar\u00eb regjimi komunist p\u00ebr pothuaj nj\u00eb gjys\u00ebm shekulli. Ndihm\u00ebs Sekretari i Shtetit, Zoti Raymond G. H. Seitz, n\u00ebnshkruesi i Memorandumit p\u00ebr pal\u00ebn amerikane, \u00ebsht\u00eb shprehur, me at\u00eb rast se, \u201cMarr\u00ebdh\u00ebniet midis dy vendeve tona e kan\u00eb fillimin n\u00eb agimin e k\u00ebtij shekulli kur Presidenti Uodrou Uilson i dha shtetit te ri shqiptar p\u00ebrkrahjen e Amerik\u00ebs.  Kjo lidhje nuk u harrua kurr\u00eb nga mij\u00ebra amerikan\u00eb me origjin\u00eb shqiptare, disa prej t\u00eb cil\u00ebve jan\u00eb sot n\u00eb k\u00ebte dhom\u00eb, e t\u00eb cil\u00ebt ishin n\u00eb kontakt me Atdheun gjat\u00eb gjith\u00eb k\u00ebtyre viteve\u2026\u201d, ka th\u00ebn\u00eb nd\u00ebr t\u00eb tjera diplomati i lart\u00eb amerikan.<\/p>\n\n\n\n

 Gjat\u00eb atij fjalimi, ai ka paralajm\u00ebruar gjithashtu nisjen e shpejt \u2013 pa humbur koh\u00eb si\u00e7 e pat cil\u00ebsuar ai — t\u00eb nj\u00eb delegacioni diplomatik p\u00ebr n\u00eb Shqip\u00ebri, duke th\u00ebn\u00eb se, \u201cShtetet e Bashkuara shpresojn\u00eb q\u00eb me Shqip\u00ebrin\u00eb t\u00eb fillojn\u00eb marr\u00ebdh\u00ebnie nd\u00ebrtuese dhe produktive n\u00eb baza t\u00eb interesit t\u00eb p\u00ebrbashk\u00ebt. Ne kemi n\u00eb plan, q\u00eb mbrenda nj\u00eb kohe t\u00eb shkurt\u00ebr t\u00eb d\u00ebrgojm\u00eb nj\u00eb delegacion n\u00eb Shqip\u00ebri p\u00ebr t\u00eb zgj\u00ebruar kontaktet me qeverin\u00eb dhe popullin shqiptar, si edhe p\u00ebr t\u00eb filluar p\u00ebrgatitjet p\u00ebr hapjen e misjonit diplomatik\u2026\u201d, <\/strong>katheksuar me at\u00eb rast Ndihm\u00ebs Sekretari i Shtetit, Raymond Seitz. <\/p>\n\n\n\n

Nd\u00ebr k\u00ebto vite e dekada, vizit\u00ebs s\u00eb delegacionit t\u00eb par\u00eb amerikan n\u00eb Shqip\u00ebri, por as rolit t\u00eb komunitetit shqiptaro-amerikan nuk i \u00ebsht\u00eb dh\u00ebn\u00eb kredia q\u00eb meritojn\u00eb n\u00eb zhvillimin e k\u00ebtyre marr\u00ebdh\u00ebnieve.  Por, vet diplomati i lart\u00eb amerikan gjat\u00eb fjalimit me at\u00eb rast, 30-vjet\u00eb m\u00eb par\u00eb ishte i vetdijsh\u00ebm p\u00eb rolin e shqiptaro-amerikan\u00ebve, nd\u00ebrsa ai i ka shprehur fal\u00ebnderimet e tija komunitetit shqiptaro-amerikan p\u00ebr kontributin q\u00eb ka dh\u00ebn\u00eb gjat\u00eb dekadave, p\u00ebr realizimin e atij momenti n\u00eb histori \u2013 vizit\u00ebs zyrtare diplomatike n\u00eb Shqip\u00ebri dhe rivendosjes s\u00eb marr\u00ebdh\u00ebnive diplomatike midis dy vendeve.  \u201c\u2026Un\u00eb d\u00ebshiroj q\u00eb t\u00eb fal\u00ebnderoj t\u00eb gjith\u00eb ata q\u00eb kan\u00eb b\u00ebr\u00eb t\u00eb mundur realizimin e k\u00ebsaj dite.  Nd\u00ebr k\u00ebta, sot n\u00eb k\u00ebte dhom\u00eb, jan\u00eb shum\u00eb amerikan\u00eb me origjin\u00eb shqiptare t\u00eb cil\u00ebt kan\u00eb kontribuar jashtzakonisht shum\u00eb, me koh\u00eb e p\u00ebrpjekje, p\u00ebr t\u00eb vendosur marr\u00ebdh\u00ebnie t\u00eb reja midis dy vendeve tona\u201d, ka p\u00ebrfunduar fjalimin e tij, Z. Seitz.<\/p>\n\n\n\n

P\u00ebr rolin e komunitetit shqiptaro-amerikan n\u00eb promovimin e marr\u00ebdh\u00ebnieve amerikano-shqiptare gjat\u00eb izolimit t\u00eb vet-imponuar t\u00eb Shqip\u00ebris\u00eb nga regjimi komunist i Enver Hoxh\u00ebs, kam shkruar disa her\u00eb, por edhe burime t\u00eb tjera si dhe autor\u00eb tjer\u00eb shqiptaro-amerikan\u00eb i kan\u00eb dokumentuar p\u00ebrpjekjet e diaspor\u00ebs shqiptare n\u00eb Amerik\u00eb — n\u00eb pritje t\u00eb nj\u00eb dite m\u00eb t\u00eb mir\u00eb p\u00ebr marr\u00ebdh\u00ebniet midis dy popujve tan\u00eb, e q\u00eb u realizua, m\u00eb n\u00eb fund, me 15 mars, 1991. Ja nj\u00eb nga ato shkrime modeste, sa p\u00ebr informacion– Frank Shkreli\/ Roli i diaspor\u00ebs n\u00eb marr\u00ebdh\u00ebniet shqiptaro-amerikane | Gazeta Telegraf<\/a><\/p>\n\n\n\n

Prandaj, q\u00ebllimi i k\u00ebtij artikulli modest sot, para se t\u00eb skadoj\u00eb edhe 30-vjetori i rivendosjes s\u00eb marr\u00ebdh\u00ebnieve SHBA-Shqip\u00ebri, d\u00ebshiroj t\u00eb kujtoj tre diplomat\u00eb amerikan\u00eb, nd\u00ebr m\u00eb t\u00eb mir\u00ebt diplomat\u00eb me t\u00eb cil\u00ebt gjat\u00eb viteve kam pas\u00eb fatin, nderin dhe pri-vilegjin t\u00eb njihem e t\u00eb punoja me ta si pjes\u00eb e delegacionit t\u00eb par\u00eb amerikan n\u00eb Shqip\u00ebri n\u00eb mars\/prill 1991.  P\u00ebr t\u00eb cil\u00ebt edhe sot — pas 30-vitesh — ruaj konsiderat\u00ebn m\u00eb t\u00eb thell\u00eb, kujtimet dhe respektin m\u00eb t\u00eb madh p\u00ebr ata p\u00ebrfaq\u00ebsues t\u00eb denj\u00eb t\u00eb Amerik\u00ebs, si njer\u00ebz t\u00eb mir\u00eb, por mbi t\u00eb gjitha, si diplomat\u00eb t\u00eb shk\u00eblqyer n\u00eb sh\u00ebrbim t\u00eb Atdheut ton\u00eb t\u00eb adaptuar.  Gjat\u00eb asaj vizite, ata ishin t\u00eb pa komprometuesh\u00ebm n\u00eb mbrojtje dhe n\u00eb promovimin e vlerave t\u00eb k\u00ebtij vendi t\u00eb madh, q\u00eb e quajm\u00eb Amerik\u00eb dhe t\u00eb vetdijsh\u00ebm t\u00eb kaluar\u00ebs komuniste t\u00eb atij vendi \u2013 ndr\u00ebkoh\u00eb q\u00eb trash\u00ebgimia e tmershme e atij regjimi shihej qart\u00eb kudo n\u00eb vitin 1991.  Respekt p\u00ebr pun\u00ebn e tyre q\u00eb ata kryen \u2013 tre dekada m\u00eb par\u00eb \u2013 n\u00eb rolin e delegacionit t\u00eb par\u00eb t\u00eb Shteteve t\u00eb Bashkuara t\u00eb Amerik\u00ebs, q\u00eb shkeli p\u00ebr her\u00eb t\u00eb par\u00eb n\u00eb tok\u00ebn e Shqip\u00ebris\u00eb n\u00eb pothuaj 50-vjet\u00eb, pas d\u00ebbimit t\u00eb diplomat\u00ebve amerikan\u00eb nga regjimi komunist i Enver Hoxh\u00ebs, n\u00eb mbarim t\u00eb Luft\u00ebs s\u00eb dyt\u00eb Bot\u00ebrore.  K\u00ebta diplomat\u00eb t\u00eb nderuar \u2013 tani n\u00eb pension — nuk duhet t\u00eb harrohen p\u00ebr kontributin q\u00eb kan\u00eb dh\u00ebn\u00eb, sidomos nga koleg\u00ebt e tyre sot n\u00eb Sh\u00ebrbimin Diplomatik t\u00eb Amerik\u00ebs, qofshin ata n\u00eb Ambasad\u00ebn Amerikane n\u00eb Tiran\u00eb, qoft\u00eb n\u00eb Washington.  As p\u00ebr ata ajo periudh\u00eb nuk ishte aspak e leht\u00eb n\u00eb Tiran\u00eb, as p\u00ebr diplomat\u00ebt amerikan\u00eb por as p\u00ebr shqiptar\u00ebt vendas t\u00eb cil\u00ebve u kishte ardhur shpirti n\u00eb fyt nga nj\u00eb diktatur\u00eb komuniste, nga m\u00eb t\u00eb egrat n\u00eb bot\u00eb, e q\u00eb e shikonin arritjen e amerikan\u00ebve si nj\u00eb dit\u00eb shprese p\u00ebr liri.  Un\u00eb e di, se isha me ta, sfidat dhe problemet ishin pothuaj t\u00eb pakap\u00ebrcyeshme.  <\/strong>Delegacioni p\u00ebrb\u00ebhej nga k\u00ebta 4 veta. Ata ishin:Kryetari i delegacionit Amb. David Swartz, diplomati Richard Mueller, Susan Sutton, shefja e Zyr\u00ebs q\u00eb kujdesej p\u00ebr Shqip\u00ebrin\u00eb, t\u00eb gjith\u00eb k\u00ebta diplomat\u00eb t\u00eb karierr\u00ebs me p\u00ebrvoj\u00eb t\u00eb gjat\u00eb dhe autori i k\u00ebtij shkrimi p\u00ebrkujtimor.<\/strong><\/p>\n\n\n\n

<\/a> <\/p>\n\n\n\n

Vizita e par\u00eb nga Departmenti i Shtetit n\u00eb Shqip\u00ebri, 30-vjet\u00eb m\u00eb par\u00eb ishte nj\u00eb ngjarje historike q\u00eb kishte t\u00ebrhequr edhe interesimin dhe v\u00ebmendjen e mediave amerikane n\u00eb at\u00eb koh\u00eb. Nj\u00ebra prej tyre, gazeta Nju Jork Tajms gjat\u00eb qendrimit t\u00eb delegacionit t\u00eb par\u00eb amerikan n\u00eb Shqip\u00ebri n\u00eb mars\/prill 1991, kishte d\u00ebrguar n\u00eb Tiran\u00eb korrespondentin e saj p\u00ebr Evrop\u00ebn dhe Ballkanin, Z. Dejvid Binder, i cili d\u00ebrgonte, pothuaj \u00e7do dit\u00eb nga Shqip\u00ebria nj\u00eb korrespondenc\u00eb p\u00ebr gazet\u00ebn m\u00eb t\u00eb njohur amerikane, duke informuar lexuesit amerikan\u00eb veprimtarin\u00eb e delegacionit dhe p\u00ebr zhvillimet dramatike t\u00eb atyre dit\u00ebve n\u00eb Shqip\u00ebrin\u00eb komuniste hermetike, p\u00ebr nj\u00eb vend p\u00ebr t\u00eb cilin lexuesit amerikan\u00eb kishin pak ose aspak dijeni.  N\u00eb nj\u00eb prej korrespondencave t\u00eb tija nga Tirana, gazetari Dejvid Binder shkruante:<\/p>\n\n\n\n

\u201cM\u00eb 15 mars, Shtetet e Bashkuara rifilluan marr\u00ebdh\u00ebniet diplomatike me Shqip\u00ebrin\u00eb, vet\u00ebm dy jav\u00eb p\u00ebrpara zgjedhjeve pluraliste t\u00eb autorizuara nga udh\u00ebheqja jo stabile komuniste e Presidentit Ramiz Alia.  Z. Muller, specialist i \u00e7\u00ebshtjeve t\u00eb Evrop\u00ebs Lindore, u nis me tre zyrtar\u00eb t\u00eb tjer\u00eb an\u00ebtar\u00eb t\u00eb delegacionit t\u00eb Qeveris\u00eb s\u00eb Shteteve t\u00eb Bashkuara p\u00ebr t\u00eb p\u00ebrgatitur rrug\u00ebn p\u00ebr rihapjen e ambasad\u00ebs amerikane n\u00eb rrug\u00ebn “Labinoti”.  Italian\u00ebt ende nuk e kan\u00eb dor\u00ebzuar nd\u00ebrtes\u00ebn dhe nj\u00eb ambasador i ri amerikan ende nuk \u00ebsht\u00eb em\u00ebruar, megjith\u00ebse David Swartz, zyrtari i Departamentit t\u00eb Shtetit, me origjin\u00eb nga \u00c7ikago, q\u00eb drejton grupin diplomatik amerikan me zotin Muller, \u00ebsht\u00eb p\u00ebrmendur si nj\u00eb kandidat i mundsh\u00ebm p\u00ebr ambasador n\u00eb Tiran\u00eb\u201d, shkruante gazeta Nju Jork Tajms.<\/p>\n\n\n\n

\u201cGjat\u00eb qendrimit k\u00ebtu n\u00eb Shqip\u00ebri\u201d, raportonte Nju Jork Tajms nj\u00eb dit\u00eb t\u00eb marsit 1991, \u201cGrupi i par\u00eb diplomatik amerikan ka udh\u00ebtuar anemban\u00eb k\u00ebtij vendi prej 3.5 milion banor\u00ebsh, duke takuar shqiptar\u00eb t\u00eb zakonsh\u00ebm dhe zyrtar\u00eb t\u00eb lart\u00eb.  T\u00eb m\u00ebrkur\u00ebn mbr\u00ebma, delegacioni i par\u00eb amerikan organizoi nj\u00eb pritje modeste n\u00eb hotel Dajti — i nd\u00ebrtuar nga autoritetet e pushtimit Italian — p\u00ebr rreth 100 shqiptar\u00eb, amerikan\u00eb dhe diplomat\u00eb t\u00eb huaj\u201d, t\u00eb akredituar n\u00eb kryeqytetin shqiptar, t\u00eb ftuar nga delegacioni i par\u00eb diplomatik amerikan n\u00eb Shqip\u00ebrin\u00eb ende t\u00eb sunduar nga regjimi komunist.  N\u00eb at\u00eb pritje, shkruante Dejvid Binder n\u00eb gazet\u00ebn Nju Jork Tajms, ishin t\u00eb pranish\u00ebm edhe 4 an\u00ebtar\u00eb t\u00eb delegacionit t\u00eb Komisionit t\u00eb Kongresit t\u00eb Shteteve t\u00eb Bashkuara p\u00ebr Siguri dhe Bashkpunim n\u00eb Evrop\u00eb, i kryesuar nga ish-Senatori Dennis DeConcini, demokrat nga shteti Arizona, pjes\u00eb e t\u00eb cilit ishte edhe kolegu im n\u00eb Z\u00ebrin e Amerik\u00ebs, Dr. Elez Biberaj, n\u00eb at\u00eb koh\u00eb shef i Sh\u00ebrbimit shqip t\u00eb Z\u00ebrit t\u00eb Amerik\u00ebs.<\/p>\n\n\n\n

M\u00eb 11 qershor 1991, ish Sekretari i Shtetit Xheims A. Bejker III ishte zyrtari i par\u00eb i nivelit t\u00eb lart\u00eb i SHBA q\u00eb ka vizituar Shqip\u00ebrin\u00eb pas periudh\u00ebs s\u00eb gjat\u00eb t\u00eb izolimit t\u00eb vendit imponuar nga regjimi i Enver Hoxh\u00ebs. Qysh nga ajo koh\u00eb, marr\u00ebdh\u00ebniet SHBA-Shqip\u00ebri kan\u00eb p\u00ebrparuar e jan\u00eb rritur, me batica dhe zbatica nga koha n\u00eb koh\u00eb, var\u00ebsisht gjendjes s\u00eb brendshme politike t\u00eb Shqip\u00ebris\u00eb, kryesisht si rrjedhim i konflikteve dhe mosmarr\u00ebveshjeve midis dy partive kryesore t\u00eb vendit, si dhe p\u00ebr munges\u00eb t\u00eb rendit ligjor dhe t\u00eb korrupsionit masiv q\u00eb ka p\u00ebrfshir\u00eb, aktualisht, nivelet m\u00eb t\u00eb larta t\u00eb qeveris\u00eb dhe t\u00eb shoq\u00ebris\u00eb shqiptare, n\u00eb p\u00ebrgjith\u00ebsi. Megjith\u00eb v\u00ebrejtjet dhe kritikat midis miqve, p\u00ebr pothuaj 30-vjet \u201cpost-komuniz\u00ebm\u201d, Kombi shqiptar nuk ka as nuk besoj se do t\u00eb ket\u00eb mik m\u00eb t\u00eb madh se Amerik\u00ebn. Kjo \u00ebsht\u00eb treguar her\u00eb pas here nga Washingtoni, madje edhe gjat\u00eb periudh\u00ebs izolacioniste t\u00eb Enver Hoxh\u00ebs, nd\u00ebrkoh\u00eb q\u00eb Washingtoni gjithmon\u00eb ka shprehur respektin dhe mb\u00ebshtetjen e Shteteve t\u00eb Bashkuara p\u00ebr Shqip\u00ebrin\u00eb dhe p\u00ebr shqiptar\u00ebt, ndon\u00ebse jo p\u00ebr regjimin komunist t\u00eb asaj kohe.<\/p>\n\n\n\n

\u00cbsht\u00eb normale q\u00eb midis miq\u00ebsh t\u00eb ket\u00eb periudha ftohjeje n\u00eb marr\u00ebdh\u00ebniet e tyre. Kjo ndodh edhe me aleat\u00ebt, historikisht, m\u00eb t\u00eb ngusht\u00eb t\u00eb Amerik\u00ebs. N\u00eb rastin e Shqip\u00ebris\u00eb, pa dyshim se, \u201c\u00e7\u00ebshtja Berisha\u201d e koh\u00ebve t\u00eb fundit, n\u00ebse mund ta quajm\u00eb ashtu, p\u00ebrb\u00ebn ftohjen m\u00eb serioze n\u00eb marr\u00ebdh\u00ebniet e k\u00ebtyre tre dekadave, midis dy vendeve tona. Nuk pretendoj t\u00eb dij\u00eb se cilat jan\u00eb meritat e k\u00ebsaj \u00e7eshtjeje, por mos d\u00ebgjoni z\u00ebrat e atyre q\u00eb predikojn\u00eb se \u201c\u00e7eshtja Berisha\u201d nuk i ka prekur dhe nuk do i afektoj\u00eb marr\u00ebdh\u00ebniet midis dy vendeve, tani as n\u00eb t\u00eb ardhmen. Presim p\u00ebrfundimin e k\u00ebsaj \u00e7eshtjeje, por cilido t\u00eb jet\u00eb p\u00ebrfundimi, mos tradh\u00ebtoni veten as t\u00eb tjer\u00ebt, se kjo \u201c\u00e7eshtje\u201d i ka d\u00ebmtuar r\u00ebnd\u00eb k\u00ebto marr\u00ebdh\u00ebnie, shpresoj se jo n\u00eb m\u00ebnyr\u00eb t\u00eb riparueshme, por shohim .<\/p>\n\n\n\n

I lutem t\u00eb Madhit Zot q\u00eb personat dhe institucionet p\u00ebrkat\u00ebse q\u00eb jan\u00eb p\u00ebrgjegj\u00ebse p\u00ebr situat\u00ebn e krijuar t\u00eb din\u00eb mir\u00eb se \u00e7\u2019jan\u00eb duke b\u00ebr\u00eb dhe t\u00eb ken\u00eb faktet dhe t\u00eb v\u00ebrtet\u00ebn n\u00eb an\u00ebn e tyre. Prandaj \u00ebsht\u00eb e r\u00ebnd\u00ebsishme q\u00eb kjo gj\u00ebndje e krijuar n\u00eb marr\u00ebdh\u00ebniet dypal\u00ebshe shqiptaro-amerikane t\u00eb sqarohet sa m\u00eb par\u00eb p\u00ebr publikun shqiptar dhe mund\u00ebsisht t\u00eb zgjidhet sa m\u00eb shpejt q\u00eb t\u00eb jet\u00eb e mundur, n\u00eb interes t\u00eb shqiptar\u00ebve dhe p\u00ebr hir t\u00eb marr\u00ebdh\u00ebnieve afatgjata midis dy kombeve tona. Var\u00ebsiht se si do p\u00ebrfundoj\u00eb kjo situat\u00eb, k\u00ebtu nuk kemi t\u00eb b\u00ebjm\u00eb vet\u00ebm me nj\u00eb person ose me nj\u00eb parti politike, por kemi t\u00eb bejm\u00eb me mund\u00ebsin\u00eb e krijimit t\u00eb nj\u00eb destabiliteti politik. Nj\u00eb skenar i till\u00eb nuk i sh\u00ebrben interesit t\u00eb askujt n\u00eb Ballkan. Interesave t\u00eb Kombit shqiptar, jo se jo, por as interesave t\u00eb Shteteve t\u00eb Bashkuara, pasi ato nuk kan\u00eb mik m\u00eb t\u00eb ngusht n\u00eb at\u00eb pjes\u00eb t\u00eb bot\u00ebs, strategjikisht dhe historikisht, e r\u00ebnd\u00ebsishme p\u00ebr Washingtonin. T\u00eb gjith\u00eb atyre q\u00eb po merren me k\u00ebt\u00eb \u00e7eshtje u b\u00ebj\u00eb thirrje, n\u00eb k\u00ebt\u00eb 30-vjetor t\u00eb hapjes zyrtare t\u00eb ambasad\u00ebs amerikane n\u00eb Tiran\u00eb:  Ul\u00ebjani hovin retorik\u00ebs s\u00eb ashp\u00ebr dhe inat\u00e7ore, nga t\u00eb gjitha pal\u00ebt e p\u00ebrziera n\u00eb \u201c\u00e7eshtjen Berisha\u201d: Mesazhi im \u00ebsht\u00eb:  COOLER HEADS MUST PREVAIL!<\/p>\n","protected":false},"excerpt":{"rendered":"

Nga Frank Shkreli\u00a0\u00a0\u00a0\u00a0\u00a0\u00a0\u00a0\u00a0 Nuk jam i sigurt, n\u00ebse ky anashkalim ndodh me q\u00ebllim, ose jo, apo mund t\u00eb jet\u00eb karakteristik\u00eb e disa personave t\u00eb asaj sindrom\u00ebs, sipas t\u00eb cil\u00ebs — \u201cun\u00eb jam fillimi dhe mbarimi i k\u00ebsaj historie\u201d \u2013 askush dhe asgj\u00eb tjet\u00ebr nuk \u00ebsht\u00eb pjes\u00eb e saj. N\u00eb k\u00ebt\u00eb 30-vjetor t\u00eb rievdnosjes s\u00eb marr\u00ebdh\u00ebnieve […]<\/p>\n","protected":false},"author":1,"featured_media":813,"comment_status":"open","ping_status":"open","sticky":false,"template":"","format":"standard","meta":{"_seopress_robots_primary_cat":"","_seopress_titles_title":"","_seopress_titles_desc":"","_seopress_robots_index":"","footnotes":""},"categories":[2,12],"tags":[],"class_list":["post-29982","post","type-post","status-publish","format-standard","has-post-thumbnail","hentry","category-aktualitet","category-opinione"],"_links":{"self":[{"href":"https:\/\/ulqini-online.com\/sajti\/index.php?rest_route=\/wp\/v2\/posts\/29982","targetHints":{"allow":["GET"]}}],"collection":[{"href":"https:\/\/ulqini-online.com\/sajti\/index.php?rest_route=\/wp\/v2\/posts"}],"about":[{"href":"https:\/\/ulqini-online.com\/sajti\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/ulqini-online.com\/sajti\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/ulqini-online.com\/sajti\/index.php?rest_route=%2Fwp%2Fv2%2Fcomments&post=29982"}],"version-history":[{"count":3,"href":"https:\/\/ulqini-online.com\/sajti\/index.php?rest_route=\/wp\/v2\/posts\/29982\/revisions"}],"predecessor-version":[{"id":29985,"href":"https:\/\/ulqini-online.com\/sajti\/index.php?rest_route=\/wp\/v2\/posts\/29982\/revisions\/29985"}],"wp:featuredmedia":[{"embeddable":true,"href":"https:\/\/ulqini-online.com\/sajti\/index.php?rest_route=\/wp\/v2\/media\/813"}],"wp:attachment":[{"href":"https:\/\/ulqini-online.com\/sajti\/index.php?rest_route=%2Fwp%2Fv2%2Fmedia&parent=29982"}],"wp:term":[{"taxonomy":"category","embeddable":true,"href":"https:\/\/ulqini-online.com\/sajti\/index.php?rest_route=%2Fwp%2Fv2%2Fcategories&post=29982"},{"taxonomy":"post_tag","embeddable":true,"href":"https:\/\/ulqini-online.com\/sajti\/index.php?rest_route=%2Fwp%2Fv2%2Ftags&post=29982"}],"curies":[{"name":"wp","href":"https:\/\/api.w.org\/{rel}","templated":true}]}}