{"id":26454,"date":"2020-08-01T13:20:37","date_gmt":"2020-08-01T11:20:37","guid":{"rendered":"http:\/\/ulqini-online.com\/sajti\/?p=26454"},"modified":"2020-08-01T13:22:45","modified_gmt":"2020-08-01T11:22:45","slug":"tragjedi-ne-bune","status":"publish","type":"post","link":"https:\/\/ulqini-online.com\/sajti\/?p=26454","title":{"rendered":"Tragjedi n\u00eb Bun\u00eb"},"content":{"rendered":"\n
\"\"
Ilustrim<\/figcaption><\/figure><\/div>\n\n\n\n

Nj\u00eb sakrific\u00eb dhe heroiz\u00ebm q\u00eb nuk duhet t\u00eb kalohet thjesht si lajm kronike<\/strong><\/p>\n\n\n\n

Nj\u00eb 39 vje\u00e7ar, baba i kat\u00ebr f\u00ebmij\u00ebve po kthehej me motorr nga qyteti ku kishte bler\u00eb disa ushqime p\u00ebr familjen dhe dhurata p\u00ebr f\u00ebmij\u00ebt e tij t\u00eb vegj\u00ebl p\u00ebr Bajram.
Duke kaluar af\u00ebr lumit t\u00eb Bun\u00ebs d\u00ebgjon nj\u00eb grua q\u00eb b\u00ebrtiste me ngash\u00ebrim dhe k\u00ebrkonte ndihm\u00eb se po i mbytej i biri.
Pa e menduar gjat\u00eb, l\u00eb motorrin e tij n\u00eb rrug\u00eb dhe vrapon drejt lumit p\u00ebr ti ardhur n\u00eb ndihm\u00eb djalit t\u00eb panjohur t\u00eb gruas s\u00eb panjohur.
Por, nuk qe e th\u00ebn\u00eb\u2026 ujrat e rr\u00ebmbyeshme q\u00eb kishin p\u00ebrpir\u00eb 14 vje\u00e7arin, shk\u00ebput\u00ebn edhe babain e ri nga kat\u00ebr f\u00ebmij\u00ebt e tij t\u00eb mitur.
E pam\u00eb n\u00eb lajme si kronik\u00eb t\u00eb kat\u00ebrt apo t\u00eb pest\u00eb dhe me siguri q\u00eb nuk ia mbajm\u00eb mend emrin heroit.
Gjithsesi veprimi i tij nuk \u00ebsht\u00eb m\u00eb pak heroik se i shumic\u00ebs s\u00eb herojve t\u00eb kombit.
Ai quhej Dhurim dhe me sakrific\u00ebn e tij sublime p\u00ebr ti shp\u00ebtuar jet\u00ebn nj\u00eb f\u00ebmije q\u00eb nuk e njihte, na dha t\u00eb gjith\u00ebve nj\u00eb m\u00ebsim, pik\u00ebrisht n\u00eb dit\u00ebt e “Bajramit t\u00eb Sakrific\u00ebs”.
Dhurimi ishte nj\u00eb mysliman i ri, nga nj\u00eb familje e nderuar n\u00eb fshatin Belaj q\u00eb po kthehej t\u00eb lumturonte f\u00ebmij\u00ebt e tij t\u00eb vegj\u00ebl me dhuratat e Bajramit, nd\u00ebrsa djali q\u00eb deshi t\u00eb shp\u00ebtonte ishte nga nj\u00eb familje katolike nga Puka dhe kishte hyr\u00eb t\u00eb freskohej n\u00eb ujrat e Bun\u00ebs.
E \u00e7’r\u00ebnd\u00ebsi ka kjo!? Tek e fundit \u00e7do jet\u00eb \u00ebsht\u00eb e shejt\u00eb dhe \u00ebsht\u00eb urdh\u00ebr hyjnor q\u00eb t\u00eb b\u00ebhet \u00e7do sakrific\u00eb p\u00ebr ta shp\u00ebtuar.
E ne teksa flasim me shumic\u00eb e me fjal\u00eb t\u00eb m\u00ebdha p\u00ebr sakrific\u00ebn n\u00eb k\u00ebto dit\u00eb, duhet ti b\u00ebjm\u00eb vetes disa pyetje t\u00eb thjeshta. Sa jemi t\u00eb gatsh\u00ebm t\u00eb sakrifikojm\u00eb p\u00ebr t\u00eb tjer\u00ebt? \u00c7far\u00eb jemi t\u00eb gatsh\u00ebm t\u00eb sakrifikojm\u00eb? A jemi t\u00eb gatsh\u00ebm t\u00eb sakrifikojm\u00eb gj\u00ebrat tona m\u00eb t\u00eb vyera p\u00ebr t\u00eb tjer\u00ebt?
E pra, kur tu b\u00ebni dhurata njer\u00ebzve tuaj t\u00eb dashur n\u00eb k\u00ebto dit\u00eb, kujtoni edhe f\u00ebmij\u00ebt e Dhurimit, t\u00eb cil\u00ebt sht\u00ebrngojn\u00eb fort dhuratat e Bajramit q\u00eb u kishte bler\u00eb babai i tyre dhe i kishte l\u00ebn\u00eb mbi motorrin e tij n\u00eb rrug\u00eb, teksa vraponte p\u00ebr t\u00eb shp\u00ebtuar nj\u00eb f\u00ebmij\u00eb tjet\u00ebr\u2026
(Agron Hoxha, fb)<\/p>\n\n\n\n

\n