{"id":25832,"date":"2020-05-24T12:40:43","date_gmt":"2020-05-24T10:40:43","guid":{"rendered":"http:\/\/ulqini-online.com\/sajti\/?p=25832"},"modified":"2020-05-24T12:40:43","modified_gmt":"2020-05-24T10:40:43","slug":"shkreli-hafiz-ali-kraja-nderi-i-fese-dhe-krenaria-e-kombit-shqiptar","status":"publish","type":"post","link":"https:\/\/ulqini-online.com\/sajti\/?p=25832","title":{"rendered":"Shkreli: HAFIZ ALI KRAJA, NDERI I FES\u00cb DHE KRENARIA E KOMBIT SHQIPTAR"},"content":{"rendered":"\n
\"\"
Foto familjare e Hafiz Ali Kraj\u00ebs, pas daljes nga\u00a0 burgu<\/figcaption><\/figure><\/div>\n\n\n\n

\u00a0P\u00ebrgaditur nga Frank Shkreli<\/strong><\/p>\n\n\n\n

G\u00ebzuar Festa e Bajramit!<\/strong><\/p>\n\n\n\n

 Dua t\u00eb rr\u00ebfej \u00e7\u2019prej fillimit se, ndon\u00ebse kisha d\u00ebgjuar p\u00ebr Hafiz Ali Kraj\u00ebn \u2013 si nj\u00eb personalitet i madh i Fes\u00eb Islame n\u00eb Shqip\u00ebri dhe nj\u00ebri prej t\u00eb dalluarve t\u00eb Kombit shqiptar \u2013 nuk dija shum\u00eb p\u00ebr jet\u00ebn dhe veprimtarin\u00eb e tij.  Si p\u00ebrfundim fillova t\u00eb lexoj ndonj\u00eb gj\u00eb m\u00eb shum\u00eb nga jeta e tij dhe sa m\u00eb shum\u00eb lexoja aq m\u00eb i interesuar b\u00ebhesha p\u00ebr t\u00eb kaluar\u00ebn e tij.  Duke lexuar p\u00ebr Hafiz Ali Kraj\u00ebn \u2013 nj\u00eb bashkvendas i imi nga Kraja, af\u00ebr vendlindjes time \u2013 m\u00ebsova se si shum\u00eb bashkohas t\u00eb tij ai jetoi dhe veproi n\u00eb tallazet m\u00eb t\u00eb v\u00ebshtira historis\u00eb komb\u00ebtare t\u00eb shekullit t\u00eb kaluar.  Sa m\u00eb shum\u00eb t\u00eb lexoj\u00eb njeriu p\u00ebr Hafiz Ali Kraj\u00ebn — hoxh\u00eb, publicist dhe atdhetar i mir\u00ebnjohur, opozitar me Zogun, italian\u00ebt, dhe i persekutuar deri n\u00eb dit\u00ebt e fundit nga diktatura komuniste — aq m\u00eb i bindur b\u00ebhesh se ai i p\u00ebrkiste nj\u00eb brezi atdhetar\u00ebsh m\u00eb t\u00eb spikatur, por q\u00eb, fatkeq\u00ebsisht, nuk jan\u00eb m\u00eb.  I p\u00ebrkiste atij brezi q\u00eb mbi t\u00eb gjitha \u2013 megjith\u00ebse jetuan n\u00eb koh\u00ebra shum\u00eb m\u00eb t\u00eb v\u00ebshtira se sot, qoft\u00eb rrethana politike ashtu edhe ekonomike  — ishin mbrojt\u00ebs t\u00eb patundur t\u00eb idealeve dhe t\u00eb interesave komb\u00ebtare t\u00eb shqiptar\u00ebve, pa dallim feje a krahine \u2013personalitet i cili gjat\u00eb gjith\u00eb jet\u00ebs promovoi ideale dhe vlerat e p\u00ebrbashk\u00ebta t\u00eb t\u00eb gjith\u00eb shqiptar\u00ebve.  P\u00ebr fat t\u00eb keq, si shum\u00eb t\u00eb tjer\u00eb patriot\u00eb si ai t\u00eb asaj kohe, edhe Hafiz Ali Kraja ishte i ndjekur e i p\u00ebrbuzur nga disa regjime, qoft\u00eb nga Zogu, qoft\u00eb nga fashizmi, qoft\u00eb nga komunizmi.  Duke lexuar p\u00ebr jet\u00ebn e Hafiz Ali Kraj\u00ebs, nuk mund t\u00eb mos b\u00ebjm\u00eb pyetjen se si do ishte sot Shqip\u00ebria dhe shqiptar\u00ebt n\u00ebse n\u00eb shekullin e kaluar do t\u00eb kishin fituar pik\u00ebpamjet e atdhetare dhe pro-per\u00ebndimore t\u00eb patriot\u00ebve si Hafiz Ali Kraja?  \u00cbsht\u00eb v\u00ebshtir\u00eb t\u00eb merret me mend se si nj\u00eb brez patriot\u00ebsh \u2013 ajka e Kombit mund t\u00eb themi e shekullit t\u00eb kaluar —  pjes\u00eb e t\u00eb cil\u00ebs ishte pa dyshim edhe Hafiz Ali Kraja — e humbi luft\u00ebn me nj\u00eb ideologji sllavo-aziatike q\u00eb shkat\u00ebrroi \u00e7do vler\u00eb t\u00eb shenjt\u00eb fetare e komb\u00ebtare nd\u00ebr shqiptar\u00ebt, q\u00eb mbroheshin nga Haziz Ali Kraja dhe bashkombasit e tij, n\u00eb koh\u00ebn q\u00eb jetoi dhe veproi ai.<\/p>\n\n\n\n

M\u00eb kujtohet me nj\u00eb rast, kur isha refugjat n\u00eb Rom\u00eb, m\u00eb 1970, duke biseduar me Profesor Ernest Koliqin mbi humbjen e nacionalizimit shqiptar dhe p\u00ebr fitoren e komunist\u00ebve n\u00eb Shqip\u00ebri si dhe p\u00ebr fatin e kqe me t\u00eb cilin u p\u00ebrballuan intelektual\u00ebt e p\u00ebrndjekur si\u00e7 ishte ai vet dhe Hafiz Ali Kraja, nd\u00ebr t\u00eb tjer\u00eb (i cili mund t\u00eb shihet n\u00eb foton m\u00eb posht\u00eb para Bashkis\u00eb s\u00eb Shkodr\u00ebs n\u00eb prill t\u00eb vititi 1939).  Profesori Koliqi u shpreh me nj\u00ebfar\u00eb optimizmi: Edhe Gjergj Kastrioti \u2013 Sk\u00ebnderbe humbi mbasi habiti bot\u00ebn me luft\u00ebn dhe fitoret e tija kund\u00ebr osman\u00ebve, tha ai.  Me gjith\u00eb k\u00ebt\u00eb, vepra e heroit komb\u00ebtar, -shtoi Profesor Koliqi, nuk u shua. P\u00ebrkundrazi, theksoi ai, ajo sot e asaj dite vazhdon t\u00eb l\u00ebshoj\u00eb rreze drite gjithnj\u00eb e m\u00eb tep\u00ebr.  K\u00ebshtuq\u00eb, -nenvijoi Koliqi, -humbjet tona do t\u00eb jen\u00eb t\u00eb p\u00ebrkohshme, pasi mendimet dhe ideologjia e patriot\u00ebve t\u00eb v\u00ebrtet\u00eb do t\u00eb kthehen p\u00ebrs\u00ebri n\u00eb dobi t\u00eb Atdheut, t\u00eb cilit ata ia kushtuan jet\u00ebn dhe veprat e tyre.<\/p>\n\n\n\n

Kam droj\u00eb se, megjith\u00eb optimizmin e Profesor Koliqit, sot 30-vjet pas shembjes s\u00eb komunizmit, un\u00eb nuk shoh ndonj\u00eb vler\u00ebsim t\u00eb dobish\u00ebm — nga dy shtete shqiptare, Shqip\u00ebri e Kosov\u00eb t\u00eb shekullit 21 — ndaj mendimeve, ideve dhe ideologjis\u00eb komb\u00ebtare t\u00eb patriot\u00ebve si Hafiz Ali Kraja dhe Ernest Koliqi e t\u00eb tjer\u00eb.  Jam i bindur se, fatkeq\u00ebsisht, kjo munges\u00eb e mendimit t\u00eb v\u00ebrtet\u00eb patriotik dhe demokratik,  n\u00eb radh\u00ebt e klas\u00ebs aktuale politike t\u00eb shqiptar\u00ebve gjat\u00eb 30-viteve t\u00eb kaluara \u2013 sidomos n\u00eb radh\u00ebt e brezit q\u00eb \u00ebsht\u00eb edukuar n\u00eb sistemin komunist \u2013ka sjellur situat\u00ebn e tmershme aktuale politiko- komb\u00ebtare, n\u00eb pik\u00ebn q\u00eb gj\u00ebnden sot shqiptar\u00ebt.  E kam then\u00eb edhe her\u00eb t\u00eb tjera, por po e p\u00ebrs\u00ebris se pa nj\u00eb baz\u00eb udh\u00ebheqjeje shpirt\u00ebrore, morale dhe ideore t\u00eb k\u00ebtyre shembujve patriot\u00ebsh t\u00eb v\u00ebrtet\u00eb shqiptar\u00eb, si Hafiz Ali Kraja, At Gjergj Fishta, Ernest Koliqi e shum\u00eb t\u00eb tjer\u00eb si ata — por t\u00eb harruar e t\u00eb p\u00ebrjashtuar nga historia \u2013 do t\u00eb jet\u00eb v\u00ebshtir\u00eb t\u00eb nd\u00ebrtohet nj\u00eb Shqip\u00ebri dhe nj\u00eb Kosov\u00eb tjet\u00ebr dhe ndryshe nga \u00e7\u2019kemi sot \u2013 nj\u00eb Shqip\u00ebri dhe Kosov\u00eb t\u00eb dijes dhe t\u00eb p\u00ebrparimit, me q\u00ebllim p\u00ebr t\u00eb zen\u00eb vendin e vet aty ku u takon, n\u00eb rendin e kombeve t\u00eb p\u00ebrparuara.<\/p>\n\n\n\n

P\u00ebr ata q\u00eb d\u00ebshirojn\u00eb t\u00eb din\u00eb m\u00eb shum\u00eb p\u00ebr Hafiz Ali Kraj\u00ebn, p\u00ebr jet\u00ebn, veprat dhe atdhetarizmin e tij dhe p\u00ebr kontributin fetar me rastin e Fest\u00ebs s\u00eb Bajramit, ju sugjeroj q\u00eb t\u00eb lexoni nj\u00eb shkrim t\u00eb holl\u00ebsish\u00ebm dhe shum\u00eb interesant, kushtuar nj\u00ebrit prej personaliteteve m\u00eb t\u00eb shquara t\u00eb fes\u00eb islame n\u00eb Shqip\u00ebri dhe m\u00eb gj\u00eb, Hoxh\u00ebs Hafiz Ali Kraja, (1900-1973). Artikulli \u00ebsht\u00eb shkruar nga studiuesja Ardita Repishti e Autoritetit p\u00ebr Informim mbi Dokumentet e ish-Sigurimit t\u00eb Shtetit (AIDSSH)1944\u00f71991<\/a>. https:\/\/www.facebook.com\/AutoritetiDosjeve\/posts\/3139021976150404?__tn__=K<\/a><\/p>\n\n\n\n

—————————————————————————————————————–<\/p>\n\n\n\n

K\u00ebtu m\u00eb posht\u00eb, po sjell\u00eb shkrimin e plot\u00eb, n\u00ebqoftse dikush d\u00ebshiron ta botoj\u00eb t\u00eb plot\u00eb, ose pjs\u00eb pjes\u00eb si serial p\u00ebr arsye t\u00eb kufizimeve hap\u00ebsinore n\u00eb gazeta ose portale.  <\/p>\n\n\n\n

\u201cJam kryenalt\u00eb q\u00eb jam mundue me krye misionin fetar e komb\u00ebtar p\u00ebr sa kam mujt\u00eb. Lus Zotin t\u00eb m\u00eb fal\u00eb p\u00ebr mungesat q\u00eb mund t\u00eb kem ba n\u00eb kryemjen e k\u00ebtij misioni\u201d. (Hafiz Ali Kraja)<\/p>\n\n\n\n

                                      Hafiz Ali Kraja<\/p>\n\n\n\n


Hoxh\u00eb, publicist dhe atdhetar i mir\u00ebnjohur, opozitar me Zogun, italian\u00ebt, dhe i persekutuar deri n\u00eb dit\u00ebt e fundit nga diktatura komuniste.<\/p>\n\n\n\n

Lindi n\u00eb vitin 1900 n\u00eb nj\u00eb familje intelektuale e tregtare-manifakturiste t\u00eb Kraj\u00ebs, e shp\u00ebrngulur n\u00eb Shkod\u00ebr pas vendimeve t\u00eb Kongresit t\u00eb Berlinit (1878), duke l\u00ebn\u00eb jasht\u00eb kufirit shtet\u00ebror shqiptar krahina t\u00eb t\u00ebra dhe qytete shqiptare. Ali Tari, shkurtim tregues si i biri i Tarit (Myftar Kraj\u00ebs), kreu shk\u00eblqyesh\u00ebm studimet fillore n\u00eb Shkod\u00ebr, \u00e7ka i hapi udh\u00ebn studimeve t\u00eb m\u00ebtejshme n\u00eb Kajro, n\u00eb nj\u00eb prej qendrave me t\u00eb njohura universitare t\u00eb koh\u00ebs, n\u00eb Universitetin e El-Ez\u2013Herit. Hafiz Aliu e kreu atje t\u00eb gjith\u00eb ciklin e formimit t\u00eb tij teologjik e filozofik dhe pas p\u00ebrfundimit t\u00eb fakultetit t\u00eb shkencave islame, u kthye n\u00eb qytetin e lindjes, ku vendosi t\u00eb sh\u00ebrbente me devotshm\u00ebri, edhe pse iu propozuan shum\u00eb poste n\u00eb Tiran\u00eb, mes t\u00eb cil\u00ebve kryeredaktor i revist\u00ebs prestigjioze \u201cZani i Nalt\u00eb\u201d.
N\u00eb 1924, Myftinia e Shkodr\u00ebs e caktoi teologun e ri si hoxh\u00eb e imam t\u00eb Xhamis\u00eb s\u00eb Plumbit, m\u00eb von\u00eb n\u00eb Xhamin\u00eb e Parruc\u00ebs, Fush\u00eb-\u00c7el\u00ebs e nd\u00ebr xhami t\u00eb tjera. N\u00eb lagjen ku u rrit e zhvilloi aktivitetin Hafizi, u rrit\u00ebn edhe klerik\u00eb t\u00eb tjer\u00eb t\u00eb nderuar mysliman\u00eb, t\u00eb p\u00ebrkushtuar p\u00ebr \u201catdhe\u201d e \u201cfe\u201d, si prift\u00ebrinjt\u00eb fran\u00e7eskan\u00eb t\u00eb Shkodr\u00ebs me t\u00eb cil\u00ebt bashk\u00ebpunuan ngusht\u00ebsisht e, pa hezituar u vun\u00eb n\u00eb krye t\u00eb bashk\u00ebqytetar\u00ebve, p\u00ebrball\u00eb turqve e sllav\u00ebve, njer\u00ebz t\u00eb ditur e atdhetar\u00eb, si Haxhi Idriz Boksi, Sheh Alia e Hafiz Musa D\u00ebrguti, Sali Myftiu (plaku dhe i riu), Hafiz Ibrahim Repishti, etj.<\/p>\n\n\n\n

Zot\u00ebrues i 6 gjuh\u00ebve t\u00eb Lindjes dhe Per\u00ebndimit, hulumtues i dijeve njer\u00ebzore, Hafiz Ali Kraja iu p\u00ebrkushtua aktivitetit studimor, fetar dhe politik.
N\u00eb vitin 1931, Hafizi u martua me Zenepen, me t\u00eb cil\u00ebn pat\u00ebn tre f\u00ebmij\u00eb, Asimin, Mehdin\u00eb dhe Felekun.<\/p>\n\n\n\n

N\u00eb mes t\u00eb viteve \u201830 u cil\u00ebsua si antizogist, bashk\u0451pun\u00ebtor i organizat\u0451s \u201cBashkimi Komb\u0451tar\u201d dhe emigrant\u0451ve opozitar\u00eb.  Familja e tij mbik\u00ebqyrej n\u00eb Shkod\u00ebr, nd\u00ebrsa vet\u00eb Hafizi jetoi n\u00eb Ulqin p\u00ebr 3 vjet me radh\u00eb, deri n\u00eb dh\u00ebnien e amnistis\u00eb.<\/p>\n\n\n\n

Me ardhjen e pushtuesve italian\u00eb u zgjodh n\u00eb p\u00ebrfaq\u00ebsin\u00eb e Shkodr\u00ebs p\u00ebr n\u00eb Asamblen\u00eb Komb\u00ebtare p\u00ebr t\u00eb nderuar Viktor Emanuelin, detyr\u00eb q\u00eb e refuzoi duke u larguar n\u0451 shenj\u0451 proteste.  Pasoi internimi n\u00eb Porto Palermo, me t\u00eb atin dhe v\u00ebllez\u00ebrit. Pas kapitullimit italian u kthye n\u00eb Shkod\u00ebr dhe vijoi aktivitetin e ngjeshur, n\u00eb bashk\u00ebpunim me At\u00eb Anton Harapin, Dom Mikel Koliqin e Pad\u00ebr Pjet\u00ebr M\u00ebshkall\u00ebn.<\/p>\n\n\n\n

\u201cMeq\u00eb je antifashist, b\u00ebhu me ne\u201d, i propozuan komunist\u00ebt, sipas d\u00ebshmis\u00eb s\u00eb mbes\u00ebs s\u00eb tij, Satber Tula. Hafizi nuk pranoi, duke pohuar se \u201cna ndan nj\u00eb hendek i madh\u201d. N\u0451 shtator t\u0451 vitit 1943, Hafizi iu drejtua besimtar\u00ebve mysliman\u00eb e katolik\u00eb t\u00eb mbledhur n\u0451 xhamin\u0451 e Fush\u0451 \u00c7el\u0451s, me hytben \u201c\u00c7\u2019\u0451sht\u0451 komunizmi dhe pasojat e tij p\u0451r popullin shqiptar\u201d dhe p\u00ebrshkall\u00ebzoi predikimet n\u00eb popull mbi at\u00eb q\u00eb do t\u00eb sillte komunizmi. Kjo b\u00ebri q\u00eb t\u00eb vijonte p\u00ebrndjekja me komunikatat posht\u00eb der\u00ebs: \u201cN\u00eb em\u00ebr t\u00eb popullit, je i d\u00ebnuar me vdekje!\u201d.<\/p>\n\n\n\n

P\u00ebrgjat\u00eb k\u00ebtyre viteve, klerik\u00ebt mysliman\u00eb dhe katolik\u00eb bashk\u00ebpunuan para oborreve t\u00eb kishave e xhamive, me toleranc\u00eb, atdhetariz\u00ebm e respekt p\u00ebr nj\u00ebri-tjetrin, duke iu druajtur mohimit t\u00eb fes\u00eb e besimit nga bolshevik\u00ebt q\u00eb mund t\u00eb merrnin pushtetin. Deri n\u00eb fund t\u00eb luft\u00ebs, Hafizi vazhdoi t\u00eb predikonte, duke shpresuar n\u00eb nj\u00eb bes\u00eblidhje antikomuniste.<\/p>\n\n\n\n

#Fjalimi_historik<\/a>
M\u00eb 31 dhjetor 1940, Hafiz Ali Kraja mbajti fjal\u00ebn e rastit n\u00eb varrimin e mikut t\u00eb tij At\u00eb Gjergj Fishta, e cila ende sot cil\u00ebsohet historike:<\/p>\n\n\n\n

\u201cPoet komb\u00ebtar, o Pat\u00ebr Gjergj! Nj\u00eb orator, tue dasht\u00eb me fol\u00eb mbi veprat Tueja, rrin shtang e hutohet, sepse ata jan\u00eb shum\u00eb, jan\u00eb aq t\u00eb m\u00ebdhaja e t\u00eb madhnueshme, sa asht v\u00ebshtir\u00eb me caktue se mbi cil\u00ebn aso veprash duhet me fol\u00eb. Vepra Yte o Poet, ka p\u00ebr t\u00eb formue nji faqe t\u00eb shk\u00eblqyeshme n\u00eb historin\u00eb politike t\u00eb kombit shqiptar, pse, n\u00eb aktivitetin q\u00eb ke zhvillue nd\u00ebr konferencat politike nd\u00ebrkomb\u00ebtare, nuk kje tjet\u00ebr ve\u00e7se me i sigurue kombit ton\u00eb t\u00eb drejtat, qi ai i ka jetike e si ma i vjetri komb n\u00eb Ballkan. Shkrimtar\u00ebt e ardhsh\u00ebm t\u00eb historis\u00eb shqiptare jet\u00ebn tande politike do ta gjykojn\u00eb n\u00eb baz\u00eb t\u00eb \u201cLahut\u00ebs s\u00eb Malcis\u201d \u2013 kryevepra jote monumentale. T\u00eb jesh i bindun o Poet i Madh, se shqiptari me \u201cLahut\u00ebn e Malcis\u201d ka p\u00ebr t\u00eb qen\u00eb gjithmon\u00eb kryenalt\u00eb, si\u00e7 jan\u00eb helen\u00ebt me Iliad\u00ebn e persian\u00ebt me Shahnamen\u00eb, mbasi, ti, me at\u00eb vep\u00ebr t\u00eb nalt\u00eb i ke njoftue bot\u00ebs s\u00eb qytetnueme psiqik\u00ebn e karakteristikat ma t\u00eb ndjeshme t\u00eb popullit shqiptar. Sot djelmnia intelektuale me \u201cLahut\u00ebn…\u201d Tande n\u00eb dor\u00eb t\u00eb nep bes\u00ebn shqiptare tue t`u betue se idealin Tand t\u00eb nalt\u00eb q\u00eb shprehe p\u00ebr komb\u00ebsin\u00eb shqiptare, do ta ruejn\u00eb e do ta mbajn\u00eb si gja t\u00eb shenjt\u00eb morale. Gjithashtu edhe populli mbar\u00eb, i fushave dhe i maleve, an\u00eb e kand n\u00eb Shqipni sot nep bes\u00ebn, se \u201cLahuta…\u201d e jote n\u00eb shpirtin e tyne do t\u00eb sundoj\u00eb sa t\u00eb jen\u00eb stin\u00eb e mote. Trima e gra, djelm e vajza, me fjal\u00ebn shqiptare t\u00eb napin bes\u00ebn, se vllaznimi komb\u00ebtar, q\u00eb ti \u00e7faqe n\u00eb \u201cLahut\u00eb…\u201d, do ta mbajn\u00eb me forc\u00eb t\u00eb madhe\u2026 Me Ty, pat\u00ebr Gjergj, kombi shqiptar mburret, nalt\u00ebsohet dhe madhnohet para popujve t\u00eb tjer\u00eb, prandaj sot krejt populli shqiptar t\u00eb p\u00ebrulet; djelmnia intelektuale vajton humbjen Tande e me lot n\u00eb faqe t\u00eb p\u00ebrcjellim me mallnjim e dhimbje n\u00eb jet\u00ebn e pasosun\u201d.<\/p>\n\n\n\n

Vite m\u00eb pas, eshtrat e Fisht\u00ebs u nxor\u00ebn nga kisha fran\u00e7eskane dhe u flak\u00ebn dhunsh\u00ebm n\u00eb lumin Drin, nga \u201cpopulli\u201d q\u00eb do t\u00eb hiqte dor\u00eb nga feja. Kisha u tjet\u00ebrsua dhe u kthye n\u00eb kinoteat\u00ebr.<\/p>\n\n\n\n

 #Vitet_e_diktatur\u00ebs<\/a>
\u201cO Zot, ruaje kombin shqiptar prej humner\u00ebs s\u00eb ateizmit!\u201d<\/p>\n\n\n\n

Hafiz Aliu nd\u00ebrmori predikime fetare t\u00eb posa\u00e7me kund\u00ebr ideologjis\u00eb marksiste-komuniste, si\u00e7 ishte fjala e mbajtur para besimtar\u00ebve n\u00eb xhamin\u00eb e Fush\u00eb \u00c7el\u00ebs. N\u00eb vitin 1944, duke par\u00eb rrjedh\u00ebn e ngjarjeve, ai iu vu pun\u00ebs p\u00ebr krijimin e nj\u00eb bes\u00eblidhje t\u00eb p\u00ebrgjithshme, nj\u00eb front antikomunist, i cili, midis t\u00eb tjerave, do t\u00eb hynte n\u00eb kontakt me forcat aleate dhe do t`u k\u00ebrkonte zbarkimin, menj\u00ebher\u00eb pas largimit t\u00eb trupave gjermane.<\/p>\n\n\n\n

Me mbarimin e luft\u00ebs, komunizmi u instalua p\u00ebr gjysm\u00eb shekulli n\u00eb Shqip\u00ebri. Sipas statistikave t\u00eb Bashk\u00ebsis\u00eb Islame t\u00eb Shqip\u00ebris\u00eb, n\u00eb vitin 1945, n\u00eb gjith\u00eb territorin shqiptar kishte 1127 xhami e 17 shkolla-medrese, q\u00eb u rrafshuan pothuajse t\u00eb gjitha. Mbi 60 klerik\u00eb mysliman\u00eb u persekutuan, nd\u00ebr ta Hafiz Ali Kor\u00e7a, Hafiz Ibrahim Dalliu, Hafiz Ismet Dibra, Hafiz Sabri Ko\u00e7i, etj, Hafiz Ali Kraja dhe t\u00eb ngjashmit e tij u hodh\u00ebn n\u00eb ilegalitet.<\/p>\n\n\n\n

#N\u00eb_ilegalitet<\/a>
Gjat\u00eb 3 viteve q\u00eb jetoi i fshehur, Hafiz Ali Kraja u strehua n\u00eb familjen patriotike t\u00eb Esat Lezh\u00ebs, bashk\u00eb me nacionalistin antikomunist, Hamdi Sinanaja. Rrinin t\u00eb fshehur n\u00eb bodrum. \u201cAta i kishin dhan\u00eb bes\u00ebn njeni-tjetrit me mos ra gjall\u00eb n\u00eb duart e komunistave. Nj\u00ebher\u00eb, – tregon Mehdiu, i biri, – dikush i rrethit familjar kishte spiunue. Erdh\u00ebn kontroll dhe e bastis\u00ebn sht\u00ebpin\u00eb. Ata (sigurimsat) k\u00ebrkonin bodrumin, por nuk po gjenin kapanxh\u00ebn\u2026 dhe nuk e gjet\u00ebn. Nuk u shkoi nd\u00ebrmend se kapaku gjendej bash n\u00eb votr\u00ebn e zjarrmit. Gjat\u00eb koh\u00ebs q\u00eb vazhdonte kontrolli, baba dhe Hamdiu, q\u00eb i kishin dhan\u00eb bes\u00ebn shoku-shokut se nuk do t\u00eb binin gjall\u00eb n\u00eb duert e komunistave, rrinin n\u00eb gjunj\u00eb p\u00ebrball\u00eb njeni-tjetrit me koburet e puquna n\u00eb tamthat e njeni-tjetrit. N\u00eb rast se kapaku hapej, ata njikoh\u00ebsisht do t\u00eb shkrehnin koburet n\u00eb tamthat e njeni-tjetrit\u2026 P\u00ebr fat, nuk e gjet\u00ebn kapakun\u201d.<\/p>\n\n\n\n

#D\u00ebnimi<\/a>
\u201cAt\u00eb dit\u00eb q\u00eb t\u00eb fiket ideja e besimit, po at\u00eb dit\u00eb, njer\u00ebzimi \u00ebsht\u00eb i plandosur n\u00eb humner\u00eb t\u00eb shkat\u00ebrrimit\u201d.<\/p>\n\n\n\n

Si shum\u00eb ilegal\u00eb t\u00eb regjimit komunist, Hafiz Aliu u vet\u00ebdor\u00ebzua n\u00eb Shkod\u00ebr, me amnistin\u00eb e vitit 1946. U akuzua p\u00ebr \u201cPropagand\u00eb kund\u00ebr Luft\u00ebs Nacional\u00e7lirimtare n\u00eb favor t\u00eb armikut dhe kund\u00ebr pushtetit popullor n\u00eb Shqip\u00ebri\u201d.
Hafiz Ali Kraja q\u00ebndroi k\u00ebmb\u00eb e duar i lidhur me Ej\u00ebll \u00c7ob\u00ebn, gjithashtu i dor\u00ebzuar me amnistin\u00eb. Nd\u00ebrsa q\u00eb me dat\u00eb 24\/10\/1945, kur Hafizi qe arratisur, Komisioni i Posa\u00e7\u00ebm p\u00ebr Konfiskimin e Pasuris\u00eb s\u00eb t\u00eb arratisurve dhe t\u00eb t\u00eb d\u00ebnuarve politik\u00eb, n\u00ebp\u00ebrmjet nj\u00eb urdhri t\u00eb l\u00ebshuar nga K\u00ebshilli N\u00c7L i Prefektur\u00ebs s\u00eb Shkodr\u00ebs e futi n\u00eb list\u00ebn prej 28 emrash Hafiz Ali Tarin (Kraj\u00ebn), e personave q\u00eb do t\u2019u konfiskohej pasuria e tundshme dhe e patundshme.<\/p>\n\n\n\n

Nga Shkodra, Hafizi u d\u00ebrgua p\u00ebr t\u2019u hetuar n\u00eb Tiran\u00eb. N\u00eb gjyq, prokuroria k\u00ebrkoi d\u00ebnim me vdekje, edhe pse amnistia e p\u00ebrjashtonte d\u00ebnimin kapital dhe hoxh\u00ebn e \u00e7uan n\u00eb prag pushkatimi. D\u00ebnimi u kthye n\u00eb burgim t\u00eb p\u00ebrjetsh\u00ebm e m\u00eb von\u00eb iu ul n\u00eb 25 vjet burg. Nga nj\u0451 amnisti e dyt\u0451 p\u0451rfitoi zbritje d\u0451nimi dhe doli nga burgu m\u0451 12 tetor 1965, pas 18 vitesh n\u00eb burgjet e Shkodr\u00ebs, Tiran\u00ebs, Maliqit dhe Burrelit, me intelektual\u00eb e klerik\u00eb t\u00eb tjer\u00eb t\u00eb Shqip\u00ebris\u00eb, t\u00eb shtr\u00ebnguar t\u2019i n\u00ebnshtoheshin pun\u00ebs s\u00eb detyruar skllav\u00ebruese, ku dhjet\u00ebra prej tyre humb\u00ebn jet\u00ebn.<\/p>\n\n\n\n

#D\u00ebshmit\u00eb_e_bashk\u00ebkoh\u00ebsve<\/a>
\u201cHafiz Alia ishte nj\u00eb hoxh\u00eb i pash\u00ebm, me nj\u00eb shtat t\u00eb hajth\u00ebm, imcak, mbi mesataren. E mbante veten me shum\u00eb sqim\u00eb e eleganc\u00eb n\u00eb veshje\u201d. K\u00ebshtu e mban mend n\u00eb vitet `30 Hafiz Aliun bashk\u00ebkoh\u00ebsi i tij, kleriku i mir\u00ebnjohur Vehbi Ismaili. Ky p\u00ebrshkrim \u00ebsht\u00eb nd\u00ebr t\u00eb pakt\u00ebt q\u00eb ndeshet dhe i p\u00ebrket viteve antimonarkiste, koh\u00eb kur u burgos (1936) nga autoritetet e mbret\u00ebris\u00eb e m\u00eb pas u lirua n\u00eb gjyq.<\/p>\n\n\n\n

Vite m\u00eb von\u00eb, n\u00eb 1947, nj\u00eb tjet\u00ebr d\u00ebshmitar, Ej\u00ebll \u00c7oba, e p\u00ebrshkruan k\u00ebshtu Hafiz Aliun n\u00eb librin e tij memuaristik \u201cJet\u00eb e humbun\u201d: \u201cEdhe dyqani i Ulqinak\u00ebve ishte transformuar n\u00eb burg\u2026 makina priste \u2026 Prej andej doli Hafiz Ali Tari (Kraja) i veshun me xhybe, q\u00eb mbante n\u00eb krye nj\u00eb fes t\u00eb zi pa \u00e7allm\u00eb. Si gjithmon\u00eb, i past\u00ebr, me nj\u00eb mjek\u00ebrr t\u00eb shkurt\u00ebr e t\u00eb mbajtun mir\u00eb. Edhe n\u00eb at\u00eb rast nuk i mungonte nji buz\u00ebqeshje e leht\u00eb, q\u00eb i jepte fytyr\u00ebs nji gjallni inkurajuese. E kisha njoh\u00eb Hafizin edhe ma p\u00ebrpara. M\u00eb kishte dhan\u00eb p\u00ebrshtypjen e nji njeriu t\u00eb kandsh\u00ebm, optimist, me nj\u00eb far\u00eb kulture, q\u00eb kishte qejf me vu n\u00eb pah. Orvatej dhe deri diku kontribuoi p\u00ebr nji far\u00eb marr\u00ebveshje midis Syl\u00e7e beg Bushatit e Gjon Marka Gjonit. N\u00eb fillim t\u00eb pushtimit italian u tregue filoitalian. Kishte qen\u00eb n\u00eb dijeni t\u00eb komplotit antizogist, q\u00eb do t\u00eb pranonte p\u00ebr mbret nji princ nga sht\u00ebpia e Savoj\u00ebs. Kur doli puna ndryshe, ashtu si Shuk Gurakuqi, nuk pranoi t\u00eb shkonte n\u00eb asamble p\u00ebr t`i dhan\u00eb kunor\u00ebn Viktor Emanuelit. Kur Italia po kalonte dit\u00ebt e fundit n\u00eb Shqipni, desh\u00ebn ta internonin, por ardhja e gjerman\u00ebve e shp\u00ebtoi\u201d.<\/p>\n\n\n\n


Ka nj\u00eb pasakt\u00ebsi t\u00eb vog\u00ebl n\u00eb kujtimet e Ej\u00ebll \u00c7ob\u00ebs: italian\u00ebt e internuan Hafiz Ali Kraj\u00ebn n\u00eb ver\u00ebn e vitit 1943 n\u00eb Porto-Palermo, bashk\u00eb me t\u00eb atin dhe v\u00ebllez\u00ebrit.<\/p>\n\n\n\n

At\u00eb Zef Pllumi pohon n\u00eb kujtimet e tij: \u201cHafiz Ali Tari (Kraja) ishte njeri i madh p\u00ebr koh\u00ebn e pa dyshim, njeni nd\u00ebr hoxh\u00ebt ma t\u00eb dijtun. Kishte p\u00ebrfundue studimet universitare n\u00eb Kajro \u2013 Egjipt \u2013 dhe njihej si nj\u00eb teolog mysliman q\u00eb dinte shum\u00eb gjuh\u00eb dhe ishte goj\u00ebamb\u00ebl. N\u00eb vitin 1939 ishte caktue edhe ai n\u00eb delegacionin p\u00ebr t\u00eb \u00e7ue kunor\u00ebn prej Shkodre dhe, si\u00e7 e tregon vet\u00eb Hafizi, nuk shkoi p\u00ebr merit\u00eb t\u00eb at\u00eb Anton Harapit. Kujtohej shpesh fjala e mbajtun prej tij me rastin e vdekjes s\u00eb at\u00eb Gjergj Fisht\u00ebs. N\u00eb bindjet politike ishte antizogist dhe i lidhun shum\u00eb me an\u00ebn katolike, sidomos me fran\u00e7eskan\u00ebt; simpatizonte mal\u00ebsor\u00ebt e veriut. Pjes\u00ebmarr\u00ebs n\u00eb jet\u00ebn politike q\u00eb n\u00eb rinin\u00eb e tij kalon mjaft v\u00ebshtir\u00ebsi e rreziqe. Arrestohet q\u00eb n\u00eb vitet e para (komuniste) dhe akuzohet rand\u00eb: rrezikon edhe pushkatimin. Edhe n\u00eb burg mbeti nd\u00ebr miqt\u00eb m\u00eb t\u00eb mir\u00eb t\u00eb katolik\u00ebve \u00e7ka nuk shihej mir\u00eb nga ana e fanatik\u00ebve n\u00eb burgun e Burrelit. Shp\u00ebton duke vuajtur mjaft vite burgu\u2026\u201d.<\/p>\n\n\n\n

Bajram Hereni, i d\u00ebnuar politik n\u00eb kampin e Bubullim\u00ebs kujton se \u201cn\u00eb t\u00eb gjith\u00eb kampin, dy t\u00eb burgosur politik\u00eb rrinin gjithmon\u00eb ve\u00e7mas t\u00eb tjer\u00ebve\u201d. Ata ishin hoxha Hafiz Ali Kraja dhe Pad\u00ebr Anton M\u00ebshkalla. \u201cNe jemi m\u00eb mir\u00eb se k\u00ebta q\u00eb po na ruajn\u00eb, sepse ne kemi trupin e burgosur, por jo shpirtin, shpirtin e kemi t\u00eb lir\u00eb. Ata kan\u00eb shpirtin e burgosur edhe trupin e lir\u00eb. Nj\u00eb dit\u00eb, trupi yn\u00eb do t\u00eb lirohet, kurse shpirti i tyre nuk do t\u00eb lirohet asnj\u00ebher\u00eb\u201d, i pat dh\u00ebn\u00eb kuraj\u00eb Hafiz Ali Kraja.<\/p>\n\n\n\n

N\u00eb vitin 1965, pas 3 vitesh n\u00eb ilegalitet dhe 18 vitesh burg, Hafiz Ali Kraja u lirua. T\u00eb nes\u00ebrmen i shkoi n\u00eb sht\u00ebpi p\u00ebr kafen e urimit, Pad\u00ebr M\u00ebshkalla, prift i njohur fran\u00e7eskan, i cili m\u00eb von\u00eb u arrestua dhe u pushkatua. Pad\u00ebr M\u00ebshkalla e pyeti:
\u2013 Hafiz Ali, \u00e7`kemi ndonj\u00eb t\u00eb re nga burgu i Burrelit?
\u2013 Nuk ke me k\u00ebnd me bisedue, pad\u00ebr! Kan\u00eb dek\u00eb t\u00eb tan\u00eb! – iu p\u00ebrgjigj Hafizi i urt\u00eb.<\/p>\n\n\n\n

#Dosja_e_Sigurimit_t\u00eb_Shtetit<\/a>
Pas daljes nga burgimi 18-vje\u00e7ar, n\u00eb vitin 1965 Hafizi u kthye n\u00eb sht\u00ebpi, pran\u00eb familjes s\u00eb vuajtur e t\u00eb shum\u00ebmunduar. Hafizi shqet\u00ebsonte edhe me heshtjen e tij, ndaj u vu n\u00eb survejim.<\/p>\n\n\n\n

Sot pran\u00eb AIDSSH ruhet dosja formulare nr. 1353 e kategoris\u00eb 2\/B, e Hafiz Ali Kraj\u00ebs (Tarit), e ruajtur me sh\u00ebnimin \u201cdokument me vler\u00eb historike\u201d.
Hafiz Ali Kraja (Tari) u mor n\u00eb p\u00ebrpunim n\u00eb kategorin\u00eb 2\/B n\u00eb vitin 1966, pas daljes nga burgu. U raportua nga nj\u00eb bashk\u00ebpun\u00ebtor q\u00eb i shkonte n\u00eb sht\u00ebpi deri n\u00eb vitin 1973, kur gjendja e tij sh\u00ebndet\u00ebsore paraqitej e r\u00ebnduar, ndaj u propozua heqja nga kontrolli operativ 2\/B. N\u00eb vitin 1974, pas vdekjes, dosja e tij u arkivua p\u00ebr 10 vjet, n\u00eb kategorin\u00eb \u201cdokumente me vler\u00eb historike\u201d. N\u00eb 1978, dosja formulare e Hafiz Ali Myftar Tarit, u arkivua pran\u00eb Ministris\u00eb s\u00eb Pun\u00ebve t\u00eb Brendshme, si dosje me vler\u00eb arkivale.<\/p>\n\n\n\n

#Vet\u00ebizolimi<\/a>
\u201cAty ku nuk q\u00ebndron e drejta nuk kund\u00ebrmon asnj\u00eb e mir\u00eb; feja islame k\u00ebt\u00eb e konsideron si d\u00ebm. Ja, prej k\u00ebtyre shpjegimeve, kuptohet se fanatizmi nuk pajtohet me Islamin\u201d.<\/p>\n\n\n\n

Pas kthimit n\u00eb sht\u00ebpi n\u00eb 1965, \u201cmb\u00ebrriti vjeti i mallkuem i 1967-s dhe baba u kthye prej nji mbledhje ku e kishin thirr\u00eb n\u00eb lagje ata t\u00eb organizat\u00ebs. Ishte i zbeht\u00eb dhe tha me t\u00eb p\u00ebshp\u00ebritun: \u201cKjo asht mordja ma e keqe!\u201d Organizata e lagjes e kishte urdhnue q\u00eb t\u00eb nes\u00ebrmen duhej t\u00eb rruente mjekrr\u00ebn dhe t\u00eb dor\u00ebzonte bibliotek\u00ebn.
Kjo p\u00ebr te ishte vdekja ma e rand\u00eb! Biblioteka vler\u00ebsohej me 700 napolona ar, nji nd\u00ebr bibliotekat ma t\u00eb m\u00ebdhaja n\u00eb Ballkan. Pjesa ma e madhe e librave shkoi n\u00eb fondin e Bibliotek\u00ebs Komb\u00ebtare n\u00eb Tiran\u00eb. Kishte mija libra n\u00eb gjasht\u00eb gjuh\u00eb: libra teologjik\u00eb, filozofik\u00eb, artistik\u00eb. Mue m\u2019u dha me terhjek\u00eb nja 700 kopje t\u00eb librit \u201cA duhet feje, a e pengon bashkimin komb\u00ebtar\u201d. Hapa nj\u00eb grop\u00eb, i mb\u00ebshtolla me mushama dhe i groposa. Mbi t\u00eb mbolla nji fik. Kur e kam \u00e7el\u00eb grop\u00ebn, munda me nda vet\u00ebm 17 kopje n\u00eb gjendje t\u00eb mir\u00eb. Pjesa tjet\u00ebr qe kalb\u00eb\u201d, kujton i biri.
Biblioteka me rreth 10 mij\u00eb libra u grabit, po ashtu sht\u00ebpia e Hafizit. Pasuria dhe librat u konfiskuan.<\/p>\n\n\n\n

I vendosur p\u00ebrball\u00eb sfid\u00ebs s\u00eb tjet\u00ebrsimit n\u00eb njeriun e ri, Hafiz Ali Kraja zgjodhi t\u00eb ngujohej n\u00eb sht\u00ebpin\u00eb e tij. Intelektuali opozitar i pushtetit, studiuesi i holl\u00eb dhe poligloti i ditur zgjodhi ta luante vet\u00eb aktin e fundit t\u00eb jet\u00ebs.
Dy pasazhe nga \u201cSh\u00ebnimet\u201d e Hafiz Ai Kraj\u00ebs tregojn\u00eb bilancin e jet\u00ebs s\u00eb tij t\u00eb trazuar: \u201cI jap llogari, m\u00eb par\u00eb, t\u00eb lumit Zot, gjyqi i Tij asht ma i randsishmi!\u201d dhe: \u201cJam kryenalt\u00eb q\u00eb jam mundue me krye misionin fetar e komb\u00ebtar p\u00ebr sa kam mujt\u00eb. Lus Zotin t\u00eb m\u00eb fal\u00eb p\u00ebr mungesat q\u00eb mund t\u00eb kem ba n\u00eb kryemjen e k\u00ebtij misioni\u201d.<\/p>\n\n\n\n

#Krijimtaria_intelektuale<\/a>
\u201cBesimi asht gurra q\u00eb ia ban jet\u00ebn t\u00eb kandshme njeriut dhe i jep shpresa p\u00ebr lumturin\u00eb\u201d.<\/p>\n\n\n\n

\u201cEdhe para se me u rrit\u00eb e me e njoh\u00eb bab\u00ebn tem, m\u00eb kishin than\u00eb, se tan dit\u00ebn e lume e nji pjes\u00eb t\u00eb nat\u00ebs e kalonte n\u00eb studion e tij, q\u00eb i thirrshin \u201coda e qitap\u00ebve\u201d. Dhe e thirrshin vet\u00ebm n\u00eb vaktet e ngranies. T\u00eb njajt\u00ebn situat\u00eb t\u00eb tregueme, e mbrrina vet\u00eb, kur baba ishte kthye prej burgut: koh\u00ebn e kalonte mes leximeve\u201d, kujton i biri, Mehdi Kraja.<\/p>\n\n\n\n

Hafiz Ali Kraja ishte nj\u00eb nga figurat ky\u00e7e e moderatore t\u00eb elit\u00ebs intelektuale islame. Ideali i tij ishte t\u00eb shihte nj\u00eb shoq\u00ebri harmonike t\u00eb bazuar te respekti p\u00ebr besimin e nj\u00ebri-tjetrit dhe se vet\u00ebm mbi themelet e harmonis\u00eb fetare mund t\u00eb shpresohej p\u00ebrparimi shoq\u00ebror, njeriu cil\u00ebsisht etik, suksesi i tij me baz\u00eb etike, me nj\u00eb bot\u00eb shpirt\u00ebrore t\u00eb pasur, t\u00eb ndri\u00e7uar duke eleminuar konfliktet me besimin e tij te Zoti.<\/p>\n\n\n\n

Spikati vepra \u201cA duhet feja? A e pengon feja bashkimin komb\u00ebtar\u201d, n\u00eb t\u00eb cil\u00ebn g\u00ebrshetohet analiza e holl\u00eb e fakteve me argumentin filozofik e teologjik. Referenca t\u00eb shumta nga sofist\u00ebt, Sokrati, Platoni, Aristoteli, Dekarti, Spinoza, Lajbnici, Rabie, E. Spenseri, Byshneri, Shopenhaueri e deri te Gystav L\u00eb Bon, nd\u00ebrthuren vazhdimisht me filozof\u00ebt e Lindjes, komentator\u00ebt e Kuranit dhe th\u00ebniet e profetit Muhamed (a.s).<\/p>\n\n\n\n

Ajo q\u0451 e shtyu autorin p\u0451r nj\u0451 nism\u0451 t\u0451 till\u0451, q\u00eb k\u0451rkonte formim solid dhe interdisiplinar, ishin mendimet e disa intelektual\u0451ve, po aq t\u0451 formuar, por pozitivist\u0451 e skeptik\u00eb n\u0451 rolin q\u0451 religjionet kishin luajtur n\u0451 historin\u0451 e civilizimit bot\u0451ror, dhe n\u0451 rastin konkret, n\u0451 Shqip\u0451ri.
Mendime t\u0451 cilat aludonin dhe akuzonin fen\u0451 si nj\u0451 faktor q\u0451 midis t\u0451 tjerave, pengonte bashkimin dhe unitetin komb\u0451tar, akuz\u0451 q\u00eb vazhdoi t\u0451 gjente interpretim pothuajse n\u0451 \u00e7do tekst t\u0451 historiografis\u0451 zyrtare, edhe n\u0451 vitet e diktatur\u0451s komuniste, e hedhur posht\u0451 me kompetenc\u0451 dhe ekzigjenc\u0451 shkencore nga autori.
Studimi filozofik i p\u00ebrkthyer n\u00eb disa gjuh\u00eb, u botua p\u0451r her\u0451 t\u0451 par\u0451 n\u0451 vitin 1934, p\u0451r t\u0451 njohur m\u0451 pas disa botime, n\u0451 Shqip\u00ebri, Kosov\u0451, Shkup dhe SHBA.<\/p>\n\n\n\n

#P\u00ebrndjekja_e_familjes<\/a>
\u201cUn\u00eb jam njoft\u00eb p\u00ebr her\u00eb t\u00eb par\u00eb me bab\u00ebn tem, Hafiz Ali Kraja, p\u00ebrmes hekurave t\u00eb burgut t\u00eb Tiran\u00ebs. Pra, aty ka qen\u00eb hera e par\u00eb q\u00eb e kam pa, nd\u00ebrsa hera e par\u00eb q\u00eb kam thirrur emrin \u201cbab\u00eb\u201d n\u00eb sht\u00ebpi, ka qen\u00eb m\u00eb 12 tetor 1965, at\u00eb dit\u00eb q\u00eb babai im doli nga burgu. Kam qen\u00eb 26 vje\u00e7\u201d, thot\u00eb i biri, Mehdi Kraja.
\u201cPolic\u00ebt, q\u00eb erdh\u00ebn p\u00ebr konfiskim mor\u00ebn gjith\u00e7ka, deri dhe lampadarin, madje dhe portollamp\u00ebn. At\u00eb nat\u00eb u shtrim\u00eb me fjet\u00eb p\u00ebr dysheme e mbetun lakuriq, pa dyshek\u00eb, pa jorgan\u2026 leri mobiljet! Shpia jon\u00eb e vjet\u00ebr ishte e madhe, tre kat\u00ebshe, me telis: baba kishte mobilu me shije e merak t\u00eb madh dy dhoma me orendi t\u00eb zgjedhuna: nj\u00ebn\u00ebn allafranga e nj\u00eb tjet\u00ebr allaturka. I mor\u00ebn t\u00eb gjitha.
Familja e Hafiz Aliut, si\u00e7 merret me mend, mbeti n\u00eb m\u00ebshir\u00eb t\u00eb fatit, me tre t\u00eb mitur n\u00ebn kujdesin e nan\u00eb Zenepes e gjyshes, sepse edhe xhaxhallar\u00ebt aso kohe, Hushi dhe Maliqi, qen\u00eb arrestue. Q\u00eb t\u00eb dy provuan tortura t\u00eb tmerrshme n\u00eb hetuesi, q\u00eb t\u00eb tregonin ku ishte fsheh\u00eb i v\u00ebllai, kaluan edhe n\u00eb karrige elektrike, por nuk treguan. Tregon Mehdiu: \u201cFilluen me e torturue dhe nan\u00ebn, por deshti Zoti dhe nd\u00ebrhyni mjeku ligjor, i cili i jepte raport, si e s\u00ebmund\u00eb me zem\u00ebr dhe ata kishin frik\u00eb mos u mbetet n\u00eb dor\u00eb. Por ata shpik\u00ebn nji tortur\u00eb edhe ma t\u00eb tmerrshme.<\/p>\n\n\n\n

Ka ken\u00eb nji hetues xhahil\u2026 Ai na merrte ne, dy vllaz\u00ebnve, dha para syve t\u00eb nan\u00ebs na p\u00ebrplaste krenjat me njeni-tjetrin, q\u00eb kjo, tue mos e durue at\u00eb mizori, t\u00eb mujtte me tregue. K\u00ebshtu p\u00ebrdit\u00eb\u2026 At\u00ebher\u00eb lagjja, sa her\u00eb na shifte me nan\u00ebn se na shtinin n\u00eb makin\u00ebn e hetuesit, dhe mandej kur dilnim, krenat tona t\u00eb enjtuna e me xhunga, filloi me sajue\u2026 sapo shihnin se po vjen makina e tij n\u00eb lagje, vraponin dhe na fshihnin\u2026 p\u00ebrfytyroni\u2026 un\u00eb isha rreth 3 vje\u00e7, e vllau em kat\u00ebr e gjys\u00ebm. Na i p\u00ebrplaste krenat fort\u2026 ne na binte t\u00eb fik\u00ebt ai zg\u00ebrdhihej. Prej asaj dite asht kujdes lagjja. Kasapi na e jepte mishin pa pare. Dyqanxhinjt\u00eb e furrxhiu po ashtu.<\/p>\n\n\n\n

N\u00eb rrug\u00eb e n\u00eb shkoll\u00eb jemi rrit\u00eb n\u00ebn thirrjet p\u00ebrbuz\u00ebse: \u201cbijt\u00eb e armikut t\u00eb popullit!\u201d. Nuk kishte nat\u00eb q\u00eb n\u00eb sht\u00ebpin\u00eb ton\u00eb t\u00eb mos vinte kontrolli. Tetorin e vitit 1955 na internuen n\u00eb Bajram Curri. Bora ishte gjysm\u00eb met\u00ebr. Na transferuan n\u00eb mullirin e qytetit; aty s\u2019kishte as dritare e as tavan. Mullini, n\u00eb t\u00eb cilin jetuam p\u00ebr 4 muaj, ishte 30-40 cm posht\u00eb tok\u00ebs; ishte tortur\u00eb t\u00eb flije e t\u00eb banoje n\u00eb t\u00eb ftohtin e mureve t\u00eb atij mullini. M\u00eb pas na transferuen n\u00eb nj\u00eb sht\u00ebpi t\u00eb vjet\u00ebr, kaluem 3 vjet n\u00eb internim.<\/p>\n\n\n\n

Q\u00eb i njom\u00eb fillova me m\u00ebsu e me punu zanatin e marangozit. Q\u00eb n\u00eb fillim, pa p\u00ebrvoj\u00eb, k\u00ebputa dy gishtat e nj\u00ebn\u00ebs dor\u00eb\u2026 ashtu kam punue tan jet\u00ebn. Motra u fut n\u00eb nj\u00eb kurs rrobaqepsie, por s\u2019mundi me e mbarue, se e d\u00ebbuen si \u201ce prekur\u201d. T\u00eb tanvet na ka rrit\u00eb nana me maj\u00ebn e gjylpan\u00ebs. Ishim familje e madhe, por nan\u00ebs i kishte fal\u00eb Zoti nji dhunti: ajo ishte rrobaqepse e zonja…\u201d<\/p>\n\n\n\n

#Sot<\/a>
Hafiz Ali Kraja aspironte nj\u00eb shoq\u00ebri q\u00eb jetonte n\u00eb harmoni e mb\u00ebshtetej te besimi. Hafizi u vler\u00ebsua me titullin \u201cKrenaria e Qytetit t\u00eb Shkodr\u00ebs\u201d, si nj\u00eb nd\u00ebr ato personalitete q\u00eb, p\u00ebrve\u00e7 kontributit t\u00eb vazhduesh\u00ebm n\u00eb sh\u00ebrbim t\u00eb kombit dhe fes\u00eb, doli hapur me ligj\u00ebrata, shkrime dhe vepra t\u00eb ndryshme, q\u00ebndrime p\u00ebr t\u00eb cilat u d\u00ebnua me vdekje, por vuajti 18 vite heqje lirie dhe pun\u00eb t\u00eb detyruar n\u00eb burgjet komuniste.<\/p>\n\n\n\n

Biblioteka e tij me rreth 10 mij\u00eb libra vijon t\u00eb jet\u00eb e shp\u00ebrndar\u00eb. Kopjet e ruajtura t\u00eb librit t\u00eb tij \u201cA e ndalon feja bashkimin komb\u00ebtar?\u201d mbi bashk\u00ebpunimin e toleranc\u00ebn fetare n\u00eb t\u00eb mir\u00eb t\u00eb kombit, jan\u00eb ribotuar nga Universiteti i Nju Jorkut, Tetov\u00ebs dhe nga Komuniteti Mysliman i Shqip\u00ebris\u00eb.<\/p>\n\n\n\n

Familjar\u00ebt e Hafiz Ali Kraj\u00ebs kan\u00eb dh\u00ebn\u00eb d\u00ebshmi t\u00eb detajuara t\u00eb p\u00ebrndjekjes p\u00ebr institucionet e kujtes\u00ebs n\u00eb vend dhe artikuj t\u00eb shumt\u00eb e filma dokumentar\u00eb t\u00eb viteve t\u00eb fundit sjellin t\u00eb plot\u00eb veprimtarin\u00eb e Hafizit dinjitoz.
\u201cAjo q\u00eb p\u00ebrcakton moralitetin ose imoralitetin e nj\u00eb vepre nuk i p\u00ebrket mendjes, por kjo \u00ebsht\u00eb detyr\u00eb e nd\u00ebrgjegjes. Mendja \u00ebsht\u00eb nj\u00eb d\u00ebshmitare e cila e dikton t\u00eb mir\u00ebn prej t\u00eb keqes, kur nd\u00ebrgjegjja \u00ebsht\u00eb sunduese\u201d.<\/p>\n\n\n\n

P\u00ebr k\u00ebt\u00eb tekst u shfryt\u00ebzuan materiale t\u00eb familjar\u00ebve t\u00eb Hafiz Ali Kraj\u00ebs, Komunitetit Mysliman Shqiptar, d\u00ebshmit\u00eb e \u201cZ\u00ebrave t\u00eb kujtes\u00ebs\u201d ISKK, materiali arkivor i AIDSSH, shkrime t\u00eb bashk\u00ebkoh\u00ebsve e studiuesve, dokumentari \u201cKryet nalt\u201d i Luljeta Prognit dhe Kujto.al, dokumentari \u201cHafiz Ali Kraja p\u00ebrball\u00eb tre regjimeve\u201d i Admirina Pe\u00e7it dhe Dosjes K, dhe shkrime e studime t\u00eb Hasan Bellos, Shp\u00ebtim Herenit, Memo, etj…<\/p>\n\n\n\n

Artikulli u shkrua nga studiuesja Ardita Repishti, dhe nuk perben qendrim zyrtar te #AIDSSH<\/a><\/p>\n\n\n\n

\"Image Ernest Koliqi, Hafiz Ali Tari, Mons Mikel Koliqi, Dom Tom Laca, Pater Anton Harapi, Guljelm Suma, Maliq Bushati, para Bashkis\u00eb Shkod\u00ebr<\/p>\n\n\n\n\n\n

\"Image Foto familjare e Hafiz Ali Kraj\u00ebs, pas daljes nga  burgu +5<\/p>\n","protected":false},"excerpt":{"rendered":"

\u00a0P\u00ebrgaditur nga Frank Shkreli G\u00ebzuar Festa e Bajramit!  Dua t\u00eb rr\u00ebfej \u00e7\u2019prej fillimit se, ndon\u00ebse kisha d\u00ebgjuar p\u00ebr Hafiz Ali Kraj\u00ebn \u2013 si nj\u00eb personalitet i madh i Fes\u00eb Islame n\u00eb Shqip\u00ebri dhe nj\u00ebri prej t\u00eb dalluarve t\u00eb Kombit shqiptar \u2013 nuk dija shum\u00eb p\u00ebr jet\u00ebn dhe veprimtarin\u00eb e tij.  Si p\u00ebrfundim fillova t\u00eb lexoj […]<\/p>\n","protected":false},"author":1,"featured_media":25833,"comment_status":"open","ping_status":"open","sticky":false,"template":"","format":"standard","meta":{"_seopress_robots_primary_cat":"","_seopress_titles_title":"","_seopress_titles_desc":"","_seopress_robots_index":"","footnotes":""},"categories":[2,12],"tags":[],"class_list":["post-25832","post","type-post","status-publish","format-standard","has-post-thumbnail","hentry","category-aktualitet","category-opinione"],"_links":{"self":[{"href":"https:\/\/ulqini-online.com\/sajti\/index.php?rest_route=\/wp\/v2\/posts\/25832","targetHints":{"allow":["GET"]}}],"collection":[{"href":"https:\/\/ulqini-online.com\/sajti\/index.php?rest_route=\/wp\/v2\/posts"}],"about":[{"href":"https:\/\/ulqini-online.com\/sajti\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/ulqini-online.com\/sajti\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/ulqini-online.com\/sajti\/index.php?rest_route=%2Fwp%2Fv2%2Fcomments&post=25832"}],"version-history":[{"count":1,"href":"https:\/\/ulqini-online.com\/sajti\/index.php?rest_route=\/wp\/v2\/posts\/25832\/revisions"}],"predecessor-version":[{"id":25834,"href":"https:\/\/ulqini-online.com\/sajti\/index.php?rest_route=\/wp\/v2\/posts\/25832\/revisions\/25834"}],"wp:featuredmedia":[{"embeddable":true,"href":"https:\/\/ulqini-online.com\/sajti\/index.php?rest_route=\/wp\/v2\/media\/25833"}],"wp:attachment":[{"href":"https:\/\/ulqini-online.com\/sajti\/index.php?rest_route=%2Fwp%2Fv2%2Fmedia&parent=25832"}],"wp:term":[{"taxonomy":"category","embeddable":true,"href":"https:\/\/ulqini-online.com\/sajti\/index.php?rest_route=%2Fwp%2Fv2%2Fcategories&post=25832"},{"taxonomy":"post_tag","embeddable":true,"href":"https:\/\/ulqini-online.com\/sajti\/index.php?rest_route=%2Fwp%2Fv2%2Ftags&post=25832"}],"curies":[{"name":"wp","href":"https:\/\/api.w.org\/{rel}","templated":true}]}}