Rama nga Prishtina: Klasa politike e shqiptarëve në rajon ka një kapacitet të ulët reflektimi dhe lidershipi

Rama-ne-prishtine-folKryeministri shqiptar Edi Rama vazhdon të godasë. Pas rastit të Beogradit ku pati një polemikë interesante me kryeministrin serb, ai tani nuk kursen as të tijtë.

Gjatë një tryeze të organizuar nga Lëvizja FOL në Prishtinë duke folur për lidershipin shqiptarë në rajon ai nuk i kursen aspak.
“Klasa politike e shqiptarëve ka një kapacitet të ulët reflektimi dhe lidershipi”, ka thënë Rama, shkruajnë mediat kosovare.

Kryeministri i Shqipërisë, Edi Rama, ka thënë se pozicioni i shqiptarëve në rajon ka ndryshuar, mirëpo, jo edhe përgjegjësia e shqiptarëve me të ardhmen.
“Ky është momenti ynë”, ka thënë Rama.
Rama ka thënë se terreni është i mbarësuar me potencial ndryshimi.
“Lajmi i mirë se shqiptarët janë të respektuar më së shumti në arenën ndërkombëtare”, ka thënë Rama, teksa ka folur, në këtë tryezë.