Në SHBA ndërroi jetë gazetari i njohur Islam Pali

Dje në SHBA ndërroi jetë ish gazetari i njohur nga Krytha e Ulqinit, Islam Pali.

Islam Pali lindi në Krythë ku kreu 5 vite të shkollës fillore. Më pastaj vazhon në Katërkollë ku përfundon shkollën fillore.

Pas kryerjes së shkollës së mesme regjistrohet në Universitetin e Prishtinës në degën Gjuhë dhe Letersi shqipe.

Pas përfundimit me sukses të fakultetit për një kohë të gjatë punoi si gazetar në Radio Titograd në një kohë të vështirë por në çdo moment duke e ruajtur dhe çuar lart profesionin e tij. Zëri i tij do të mbahet mend gjatë nga një kohë ku radio ishte si i vetmi mjet i informimit.

Shumë vite më parë emigroi në SHBA me gjithë familjen e tij.

Pas vetës la bashkëshorten Milihanë, vajzën Albana dhe djalin Lani.

Varrimi i të ndjerit do të bëhët në vendlindje.