”IM AT”

Ali Gjeçbritaj

IM AT

Ima at ka lindur atë mot kur u çua flamuri

Jetoi nën ngjyrat e shumë flamujve

qe u valvitën në truallin e tij për më së një shekull.

Im atë ndrroi jetë atë mot kur flamuri

valviti në Kosovën e lirë.

Im at lindi me flamuj në shtiza ngritur gjithandej

Me Ismailin lundroi detit të trazuar

Me Isën rrugëtoi në baltrat e kësaj toke

 Por nuk u vonua në kohë.

Im at e donte Shkupin, qytetin e mureve kala

Maniastirin e Abetares e mbajti gjallë në anën e majtë të krahrorit

Im atë e donet Rozafën  piu gji nga balada e murosjes

Mbi njëzet e pesë shekuj më tha kemi thurrë rrathë ari

Në bedenat e  qytetin flori Ulqin.

Im at nuk iku nga kjo botë

Pa u ngritur flamuri  në Prekaz në Kullën e Jasharajve.

Kur u largua në amshim

Përshendeti me dorë

 si nëna në Urën e Fshejtë

shpirt mbushur

Iku në përjetësi nga kjo botë.

me zemer plotë.

SOFRA

Na mblodhi tok në kohë dhe në vakte

Na rriti na dha forcë

Na burrëroi.

Sa bukë kripë e zemër kanë shtruar motet

Vetëm sofra jonë e di

Mos t’i shkelim thërmiat e bukës

Sofra do na mallkojë.

MË SHIKONI

Pse më shikoni ashtu

Duket se keni kapur

Buzëqeshje të rastësishme

Ajo nuk u përket ju

Buzëqeshjet e mija janë përjetësi.

SYTË E MI

Sytë e mi

Siç duket nuk u interesojnë

Të bëhën me rreth të zi

Ju i doni të përvojtur

Siç kanë qenë dikur

Jo, sot ata shndrijën në hijeshi

Nuk thonë kot

Burrit era e  duahanit

Gruas era e bakamit

Kanë hijeshi

BURRËRIA

Trimëria frut

Bujaria vyrtyt

Kur flet burrëria

Mundet lakmia.

URREJTJE

Thonë se vdekja

është ligj i natyrës

Kërkoj ndjesë

Më falni mua

Unë e urrej natyrën.

GURËT E QYTETIT TË VJETËR

Në rrugicat kalldrëme

 të qytetit të vjetër

gurë të latuar,

japin gërhamën e fundit

të mureve kala.

Gjuha ilirishte fshehur në bedena

tinëzisht flet me orën e malit

me rreth bardhë si bora në kokë.

O Zot mallkoje djallin

lugatin që vjell zjarr

e dogji flamurin tonë.

Gjuhë e zanave të Rumisë

në Gurin e Divit vigan

gdhendur në shkëmb.

Gjallë në portën e qytetit

në heshtje jeton gjuha e Ilirisë

në çdo gurë të qytetit tim

ajo pret mysafirë.

(Poezi nga përmbledhja në dorëshkrim “Gurët e truallit tim”)