“Të vdekshëm njerëzit / mund të ecin gjatë” – Albin Kurti ngushëllon familjarët e prof. Basri Çapriqit duke cituar një varg të tij

Poezia e Basri Çapriqit, shpreh frymën ku lexuesi mishërohet dhe identifikohet në secilën figurë, në secilën fjalë. Pesha karshi fjalës së shkruar dhe pesha e gjuhës, janë dy elemente që Çapriqin e bëjnë të veçantë në poezinë shqipe.

Në një varg poeti, profesori Basri Çapriqi, thotë “të vdekshëm njerëzit / mund të ecin gjatë”. E në jetën e tij, prej fëmijërisë në fshatin Krythë të Anës së Malit në Ulqin, e deri te angazhimi akademik si një nga profesorët më të vlerësuar të letërsisë në UP, Basri Çapriqi eci gjatë.

Jeta e tij u ndërpre më herët se ç’do të donin lexuesit e poezive e studimeve të tij, të cilat do të mbesin si shenjë në letrat shqipe.

Ngushëllimet e mia për familjen, të afërmit, kolegët dhe studentët e tij, kështu thuhen në një postim të deputetit të Lëvizjes Vetevendosje në Kosovë,  Albin Kurtit.

Profesor Barsi Çapriqit ka ndërruar jetë ditën e diele ndërsa varrimi i tij do të bëhet sot (e marte) në varrezat e qytetit të Prishtinës.