Kryetari i Prishtinës Shpend Ahmeti shpallet kryebashkiaku i muajit – Vitin e Ri e pret në shesh me bashkëqytetaret e vet

Shpend-ahmetiKryetari i Prishtinës, Shpend Ahmeti, të premten është shpallur Kryebashkiaku i muajit janar nga fondacioni ndërkombëtar “The City Mayors Foundation”.
Ky fondacion përmend heqjen e rrethojave të institucioneve publike, rrënimin e objekteve pa leje dhe përforcimin e praktikave të prokurimit si disa nga arsyet për dhënien e këtij çmimi te Ahmeti.
“Vendimi modest që Ahmeti e mori për heqjen e rrethojave afër objekteve publike nëpër Prishtinë për të liruar hapësirën për kalimtarët ishte një punë që i ndihmoi qytetit”, thuhet në komunikatën e fondacionit.
“Administrata e tij gjithashtu është duke vendosur shtylla dhe pemë nëpër trotuare për të parandaluar parkimin e veturave ishte një tjetër ndryshim i vogël që bëri dallim të madh në lehtësimin e jetës së qytetarëve”.
“Me fjalë tjera, kryetari Ahmeti është duke punuar shumë për të ardhmen e Prishtinës. Ai e kupton që banorët e kryeqytetit presin shumë nga administrata në vitin e tij të dytë në zyrën e kryetarit të Prishtinës. Banorët duan ndryshime të dukshme dhe të efektshme”. /Koha Net/

2015-ën Prishtina e ka pritur nën qiell të hapur

Prishtina ka pritur Vitin e Ri në sheshin ‘Zahir Pajaziti’.  I pranishëm në shesh ka qene edhe i pari i Prishtinës Shpend Ahmeti. Përveç që numëroi sekondat i pari i kryeqytetit të  Kosovës ka uruar për mirëqenie më të mirë.
Kushte më të mira uruan edhe vetë qytetarët.